मर्कुस् छ्येःकी परीचय
छ्येःकी परीचय
चु ज्यबे सम्तर्की छ्येः पर्मेस्वर्की ज येसु ख्रीस्ट्की बारेरी मर्कुस पङ्बे म्हीचे ब्रीबल य्हीन्ब। चु छ्येःरी येसुइ लक्तेङ् अधीकारकी बारेरी ब्रीबल मुब। थेङ्की अधीकार् चोले म्रङ्ब- म्हीमात लोप्जेत्पतेङ् म्हङ्मा तेत्लाबे बेलोरी, म्हीमाकी पाप क्षम स्य्हेङ्जेत्पे बेलोरी, ओसेम् थेङ्चे “म्हीइ ज” म्हीमात पाप ग्यम्से थर्नलबरी र्हङ्की बुः पीन्बरीएनो युबल य्हीन्ब बी सुङ्जेत्पल मुब।
मर्कुसचे चुरी येसुचे लोप्जेत्पे अर्तीमा बीमम् य्हक्को थेङ्चे स्य्हेङ्जेत्पे लक्मात बङ् लज्यीम् ब्रीबल मुब। बप्तीस्मा पीन्बे युहन्नातेङ् येसुइ बप्तीस्मा ओसेम् थेङ्की परीक्षइ बारेरी ब्रीज्यीम्, येसुचे स्य्हेङ्जेत्पे फेन्न लबे लक्मातेङ् लोप्जेत्पे लक्माकी बारेरी ब्रीबल मुब। गदे बेलो य्हर्स्यीनो टीज्यी होदेनो डबमाचे थेङ्की बारेरी झेन् ज्यनले गोबोर्स्यीनो टीज्यी। तर थेङ्की बीरोद् स्य्हेङ्बलमाचे झेन् य्हक्को बीरोद् स्य्हेङ्स्यीनो बोर्ज्यी। ओसेम् चु छ्येः बेबे बेलोरी जम्मबुलीङ्री येसुइ ज्युःकी दीन्मा ओसेम् येसु क्रुस्री स्यीजेत्पलतेङ् स्यीब ग्यम्से सोजेत्पे बारेरी ब्रीबल मुब।
चु छ्येः न्हङ्री मुबे तम्मा
ज्यबे सम्तर्की बारेरी ब्रीब थाल्तीबल १:१-१३
येसुचे गालीलरी स्य्हेङ्जेत्पे लक् १:१४-९:५०
गालील य्हङ्से यरुसलेम सम्म १०:१-५२
यरुसलेमरी स्य्हुबे ज्युःकी सत ११:१-१५:४७
येसु स्यीब ग्यम्से सोजेत्पल १६:१-८
सोब बीसेम् प्रभुत म्रङबलतेङ् थेङ् स्वर्गरी स्येःजेत्पल १६:९-२०
Obecnie wybrane:
मर्कुस् छ्येःकी परीचय: WTDG
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2024 (Active), Wycliffe Bible Translators, Inc. All rights reserved.