Tuuma 12

Ba ku Yemesi gee pagɛ Pita

1Saŋa kaŋa mɛa puan ti naba Hɛrɔd tiɛ a nu'uhi la gbirege pagelɛ lageŋɔ nɛreba basɛba. 2Bahɛ ti ba kɔregɛ Yemesi en de Yɔn la la su'a. 3En nyɛ ti la pee Yuuduma la puurɛ paaɛ paaɛ la, a kiŋɛ la nɛŋa, bahɛ ti ba nyɔkɛ Pita me. Ŋwana ma'a wa dela boroboro zaŋa de'eŋo la saŋa la 4#Yɛh 12.1-27 En bahɛ ti ba nyɔkɛ en la, a tari en me na pagɛ la paka deo puan, dikɛ en bo' pɛntiireba tansuga anaahi n tari pɛntiireba ba anaahi banaahi ti ba gura en. Gee iŋɛ a puti'irɛ ti Azɔɛtole de'eŋo la han tole, a yu'ɛ en yehe nɛrekuuŋɔ la puan na. 5Ban pagɛ Pita paka deo la puan la, lageŋɔ la mu'ɛ la nini la pu'uhegɔ saŋa woo bɔ'ɔra Yinɛ a zuo.

Pita yehe paka deo la puan

6Hɛrɔd n wa ti'iha ti a tari en yehe na la, yu'uŋɔ kuŋɔ mɛa ti ba ba' Pita mɛ la bãhi, ti a giha pɛntiireba bayi' tiŋasuka gee ti pɛntiireba basɛba me zɛ'a yiŋa kuleŋa gura paka deo la. 7Ba yeti ba bihɛ ti Daana suŋera n bala paka deo la puan, ti bugum niiɛ bini piim. Ti a paaɛ ŋmɛ' Pita lugerɛ yele en yeti, “Ihege kalam.” En tɔgɛ bala la, ti bãhi la n ba' Pita nu'uhi la zɔgɛ tiŋa. 8Ti Suŋera la yele en yeti, “Lu' fum sɛganɛ, lu' fum tagera la.” Ti Pita iŋɛ bala. Ti a nyaa yeti, “Lobe fum fuo la lu' suŋa la fum dɔla mam na.” 9Ti Pita kiŋɛ yehe na dɔla en, gee ka mina ti sɛla n iti eŋa la Suŋera la tiŋasuka la dela sira, a ti'ihɛ ti a nyɛti la lilegere. 10Ban kiŋɛ gaŋɛ gura se'em n ze' yia la, le wa'am na kiŋɛ gaŋɛ yi'i gura la, ba wa'am na na paaɛ la kuto nayaŋa la n dole yɛha yɛ'a tiŋa la puan la. Ti kuto nayaŋa la mɛŋa yu'ɛ ka mɛŋa bo' ba, ti ba kiŋɛ yehe sige sore zuo kina, Pita ta yeti a bihɛ la ti suŋera la mɛlum ya gee bahɛ en. 11Bilam ti Pita yɛm nyaa lebena, ti a yeti, “Nananawa Mam mi' ti yelemɛŋerɛ Daana n tum a Suŋera ti a wa'am na faaɛ mam Hɛrɔd nu'uhen, la Yuuduma wa woo n ti'ihɛ ni ti yele se'ere paaɛ ni mam la.”

12Pita n baŋɛ ŋwana ba'ahɛ la, a kiŋɛ ta kɛ̃ Mɛɛri n de Yɔn se'em yu'urɛ deyima n de Maki la ma Mɛɛri yire, zi'an ti sakereba zo'e zo'e lagehɛ pu'uha la. 13En paaɛ ŋmɛ' yire la yiŋa kuleŋa la, pɔgesɔɔ yu'urɛ en yi'iri Aroda n wa'am na sakɛ ŋmɛ'a la. 14En baŋɛ ti kua la dela Pita la, ti a puurɛ ba' pee gaŋɛ, ti en wan yu'ɛ ni kuleŋa la, a tugum bahɛ mɛ gee zɔ lebe ha ta muula yeti, Pita ze' kuleŋa nuuren ha. 15Ti ba yele en yeti, “Fum zuo ka tuni. Ti pugela wa sina gee sɛ zɛ'a kankaŋi ti la dela bala.” Ti ba yele en yeti, “Fum ye nyɛ la a suŋera.” 16Sankana woo la, ti Pita kelum ŋmɛ'ɛra kuleŋa la mɛ, ti ban yu'ɛ la, ba nyɛ en mɛ. Ti la iŋɛ ba pakerɛ paaɛ paaɛ . 17Ti Pita yibehɛ ba la nu'uhi ti ba da vɔɔla, gee nyaa pa'alɛ ba Daana la en iŋɛ se'em tari eŋa paka deo la puan yehe na. Gee pa'ahɛ yeti, “Yele ya Yemesi yele dina wa suurɔ la za'a me.” Gee nyaa bahɛ bilam gee tee kiŋɛ zi'an.

18Beere n ta yilegɛ la, ti gbiregeri kãtɛ lu pɛntiireba la, doohe la beni n iŋɛ Pita. 19Hɛrɔd bo' sore ti ba ɛ Pita la ninmu'urɛ ti ba ka nyɛ en la, ti a malum viihɛ gureba la, gee bo' nuurɛ ti ba ku ba. Gee nyaa ze'ele Yuda kiŋɛ sige Kasariya, ta bɔna bilam.

Hɛrɔd kum

20Ti Hɛrɔd suure ba' nyiie la Taya la Sidɔn tihi nɛreba. Bala ti ba naaɛ taaba la nɔyinɛ tum ba nɛreba na ti ba wa'am na ŋmɛ' nu' pu'ɔ. Ti ba paaɛ na nyaŋɛ tɔgɛ ti Balastuse se'em en biheri naba bungã'ala la bɔkɛ ba. Ti ba nyaa suhɛ suma'ahum, se'ere n sɔi la, ba tihi la dele la naba tihi la nyɛta dia. 21Ti suhega la dabeherɛ ta paaɛ, ti Hɛrɔd bagɛ a na'am lɔgerɔ, tole zi'ire a na'am kuka la zuo, nyaa tɔgɛ bo' nɛreba la woo n lagehɛ na la. 22Ti nɛreba la vɔɔla yeti, “Ɛhɛɛ, yinɛ de mɛŋa kua n ŋwana gee dagi asaala.” 23Ti bilam bilam doohe la Naba wa n ka dikɛ na'ahegɔ wa bo' Yinɛ la zuo, ti Daana Suŋera lobe en la ba'a ti a gã'a ti zunzuya dita en tara tara ti a ta ki.

24Gee Yinɛ yelehum la zo'ore mɛ yiregera. 25Ti Banabase la Sɔɔl n ta ba'ahɛ tuunɛ se'ere ti ba wa'am bini na ti ba tum la, ba lebe la Yerusalɛm, ta tari Yɔn se'em yu'urɛ deyima n yi'ira Maki la lebena.

Obecnie wybrane:

Tuuma 12: GBTP

Podkreślenie

Udostępnij

Kopiuj