Luka Malizu Wotatikila
Malizu Wotatikila
Iyi buku yuwonesha kuti Yesu ni Mpulumushi Wolayizyiwa wala watiazeapulumushe Aisilayeli, na Aisalayelilini ŵeka sembe soti ŵanthu wonse ŵa pa calo ca pansi. Yuwonesha soti kuti Yesu eyitiwa na Mzimu wa Asikulu “kuti akaŵilizye Malizu Aweme kwa wozingwa.” Malizu ŵa mu buku umu owonesha soti mtima wa lusungu wopangwisha kuyavya ŵanthu wozingwa pa vosoŵa vawo vosiyana–siyana. Malizu ŵake oleta soti cisangalalo, ngako–ngako malizu otatika olaŵila vowela kwa Yesu, nipo soti malizu wosilizya, Yesu pecitolewa kuya Kululu. Luka wala wamene elemba buku iyi, elemba soti buku iyakine yoyitiwa Macitilo ŵa Nthumi, kukonkholola mwamene cicetekelo ca Cikristu mwecikulila noŵilikila kuyakine na kuyakine na mphamvu ya Mzimu Mtuŵa.
1. Malizu wotatika ŵa Luka polenga Malizu Aweme 1:1-4
2. Kuvyalika kwa Yohane na kwa Yesu 1:5—2:52
Nkhani izi zukumya kuvyalika kwa Yesu na usaza wake zufwaniwa mu buku yeka iyi.
3. Yohane Mbatizi oŵilizya Malizu 3:1-20
4. Ubatizo wa Yesu; oyesewa na Satana 3:21—4:13
5. Yesu oŵilizya ku Galileya 4:14—9:50
6. Ulwendo ofumila ku Galileya kuya ku Yelusalemu 9:51—19:27
Malinganizyo ŵala ŵa Msamaliya wa lusungu na mwana wotayika (10:25-37; 15:11-32) mu buku yeka iyi.
7. Sabata yosilizya ku Yelusalemu 19:28—23:56
8. Yesu owuka kwa akufwa, owonekela kwa asambili ŵake, okwela Kululu 24:1-53
Malizu anyinji ofwanika mu buku iyi olaŵila va kulomba, va Mzimu Mtuŵa, va nchito ya anakazi opelekezya Yesu, na va lusungu wa Mulungu polekelela macimo.
Obecnie wybrane:
Luka Malizu Wotatikila: GMN
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Nsenga New Testament © The Bible Society of Zambia, 2015.