Popularne wersety biblijne z Sioné 19

Udostępnij

Pea ‘i he ma‘u leva ‘e Sīsū ‘a e vinika, na‘a ne folofola, KUO ‘OSI, pea ne punou hono fofonga, ‘o ne tukuange hono laumālie.

Pea hili ia, pea ‘i he mea‘i ‘e Sīsū, kuo ‘osi ‘eni ‘a e me‘a kotoa pē ke fakamo‘oni ‘a e Tohitapu, pea ne folofola mai, ‘Oku ou fie inua.

Pea ‘i he vakai ‘e Sīsū ki he‘ene fa‘ē, mo e tu‘u ai ‘a e tama ako na‘a ne ‘ofa ai, na‘a ne folofola ki he‘ene fa‘ē, Fefine, ko ena ho‘o tama! Hili ia na‘a ne folofola ki he tama ako, Ko ena ho‘o fa‘ē! Pea mei he taimi ko ia na‘e ‘ave ‘e he tama ako ‘a e fefine ko ia ki hono ‘api ‘o‘ona.

Ka ‘i he‘enau hoko kia Sīsū, ‘o nau vakai kuo pekia ia, na‘e ‘ikai te nau fesi‘i hono va‘e ‘o‘ona: ka ko e toko taha ‘o e kau sōtia na‘a ne hoka‘i hono vakavaka ‘aki hono tao, pea na‘e tafe leva mei ai ha ta‘ata‘a mo ha vai.

He na‘e hoko ‘a e ngaahi me‘a ko ia koe‘uhi ke fakamo‘oni ‘a e potu tohi ‘oku pehē, ‘e ‘ikai maumau ha hui ‘e taha ‘o‘ona. Pea ‘oku toe ‘i ai mo e potu tohi ‘e taha ‘oku ne pehē, Te nau mamata kiate ia kuo nau hoka‘i.

Ko ia na‘a nau ma‘u ‘a Sīsū. Pea ‘alu atu ia ‘oku ne fua mo‘ona hono kolosi, ‘o ne a‘u ki he potu ‘oku ui koe potu ‘ulupoko, ko hono ui faka-Hepelū ko Kolokota.

Pea fī ‘e he kau tau ha kalauni talatala, ‘o ‘ai takai ki hono fofonga, pea nau ‘ai kiate ia ha kofu kulokula, pea nau holo mai kiate ia