BibleProject | Hekima ya MithaliPrøve

Sura ya 26: Jinsi ya Kutokuwa Mpumbavu

Sura ya 26 inazungumzia watu watano wenye sifa mbaya:

•Mpumbavu (sura ya 1-12)

•Mtu Mvivu (mstari wa 13-16)

•Mmbea (mstari wa 17-19)

•Mnong'onezaji (mstari wa 20-22)

•Mwenye Chuki (mstari wa 23-28)

Sura hii imejaa ulinganisho (maneno "kama" au "kama tu" yametumika sana), unaowafananisha watu hawa na mambo mabaya sana ("kama mwehu kutupa mishale ya kifo," ajabu!). Angalia ulinganishaji unaotumia vitu vya asili (shorewanda, farasi, punda, simba n.k.). Kwa jumla, ni wazi kuwa: usiwe mmoja wa watu hawa!

Usiwe Mpumbavu. Hafikirii na ni zuzu. Hawezi kuaminika, wala kutegemewa. Yeye ni mzigo kwa wote wanaomtuma. Usiwe Mvivu. Hutambua matatizo lakini hafanyi chochote kuyasuluhisha. Huanza kazi ambazo hajui jinsi ya kuzikamilisha. Anajichukulia kuwa mwerevu lakini hatoki kitandani.

Usiwe Mmbea. Hudadisi lakini hapati chochote ila majanga. Husababisha ugomvi kisha unauita mzaha. Usiwe Mnong'onezaji. Huchochea ugomvi na kuendeleza chuki. Hujua kuchochea uhasama na anaichukulia kuwa jambo la kufurahisha. Usiwe Mwenye Chuki. Huwa na kisasi na bado hujifanya kuwa rafiki. Hutoa sifa zisizostahiki na kuonyesha furaha lakini udanganyifu wake utajulikana.

Unaposoma sura hii, tenga muda uombe kuhusu kila mhusika ukitafakari kuhusu yanayotokana na njia zao za maisha.