مارکوس 13

تھامے توسّی ستاگس گُون۔

1حضرت عیسیٰ مسیح بیت المقدِس نے بینگتے سکیودین یود زانے، کھونگی لوبٹوگس چیگی زیرس، ”لوبپونلے ای معجزہ بیت المقدِس لا زیگسّانگ، تسامشیگی چھینمو ردواگون سیگچیسلا کولتے اینوگ۔“

2حضرت عیسیٰ سی لانسالس، ”کھیوجاگونّی ای بیت المقدِس ہالاسشیس سیگسکھانبو تھونگدوگّا؟ ای ردوا چیگّانگ چیگیکا ساگستے میلوس، تشانگما شیگین۔“

3بیت المقدِس سی چھوگسّی لونگپے ذیتونی ریکا حضرت عیسیٰ سی جُوگستے یود زانے، حضرت پطرؔس ، حضرت یعقُوبؔ ، کھوے نو حضرت یُوؔحنّا ٰ تانگ حضرت اندرؔیاس گُون سوانگ گیوسچھا ماچوگّا حضرت عیسیٰ سی یودسا یونگستے ٹیس، 4”نگاجا شادّا زادّانگ تیبو نام جونگین، یانگ تے تشانگما ڈانڈا ڈوبچیسّی ستاگس گُون کازوگ ریگ یونگین؟“

5حضرت عیسیٰ سی کھونگونلا مولس، ”سوجیگیانگ کھیوجا گوبسکور تانگمیچوگچیسلا شانگ چوس، 6چیازیرنا نگے مینگ کھورتے نگا لدامّا زادکھانّی مسیحا این زیرکھان مانگپوجیگ یونگستے می مانگپوا گوبسکور تانگین۔ 7کھیوجاگونّی ماگ تانگ ماگی سکورلا اُویاگون تشورّاچیگ، جیگس ماجیگشیگ؛ تیگون چونگّوس، اِین نانگ تھامے توس تارُونگ مِیلیب۔ 8گیالکھاگ چیگ تانگ چیگی یانگ گیالثید چیگ تانگ چیگی گیابگالّا ماگ تانگین۔ ناسّا مانگپوے نانّگا موگے تانگ سانگّول یونگین۔ اِین نانگ تیگون نی ٹھوگو سکیچیسّی گوزُوگی زوگزیربو ژوگس این۔“

9”تیتوسلا کھیوجاگون شانگ چوستے دوگ۔ کھیوجاگون تینّا یولّی ٹھیمسکھون گُونی لاگا ستادتے مجلِس گُونی نانّگا کھیوجا ستالچاگ گیابچوگاین۔ نگیکا ایمان یودچیسپوے ٹھیمسچادّالا کالون تانگ گیالپو گونّیکا کھیوجا کھیرین، طِطُس کھیوجا نگا سو اینکھانبوے گواہ کھونگونلا تانگچیسّی سکابس تھوبین۔ 10تھامے توس لیبّی سانگ سنگونلا، گاموےناتسُولبو گیالکھاگ تشانگمالا شادگوس۔ 11کھیوجاگون زومستے ٹھیمسچادچیسلا کھیونّگاچیگ، چی زیرین سامستے سنگونلا تشیر ماتشیر۔ تینّا توسلا، کھیوجا چی زیرچیسلا سالّا زادنانگ، تینّابو زیر، چیازیرنا سپیرا تانگکھانبو کھیوجاگون مانپا، ہلژخمہ رُوح اینوگ۔“

12” فونو گونّی نوگونلا یانگ ابے بُوژا یانگ ٹھوگوی پھاماگونلا نگولوگ چوستے سادچوگاین۔ 13نگیکا ایمان چوچیسپوے می تشانگمے کھیوجاگونلا ناپھراد چوانوگ، اِین نانگ تھاما تشوگپا نگیکا ایمان ستانپو بورکھانگون تھارین۔“

14”نام ’تشیتو چوکھانّی کھاملوگچیسپو ہلژخمہ بیت المقدِس سی نانّگا‘ یودچیسپو اوسپا مان اِین نانگ بورتے تھونّگاچیگ (سیلکھانگونّی نگے زیرچیسچانگونّیکا سنانّگا تونگ) یہُودیہ یولجونگسّی نانّگا دُوگکھان گُون ریگونلا شورگوس۔ 15کھانگپے کھاتھوگّا یودکھانگون یوگا بابستے کھانگپے نانّگا نورگون لینّالا ماچھا۔ 16ژینگیکا لاس چوین یودکھانگون لوگستے کھانگپا کوس کھیونّگالا ماچھا۔ 17تیتوسلا سکییچیسما تانگ ٹھوگوا آوما تانگکھانّی اماگُونلا تسامشیگی جیگسنانگ مانوگ۔ 18یگون گونتوسلا میچونگچیسلا دُعا چوس، 19چیازیرنا تیتوسلا ایزام ردوگنگال ٹاگپو جونگین، کا بو خُدے دُنیا زادپانے پھارلا داگسا تشوگپا ماچونّگا اینوگ یانگ ستینگژینّانگ میچونگ۔ 20کالتیس مسیح خُدے تیتوسپو نیونگون مازادپینّا سوجیگّانگ سونتیا لوستے میدڈو، اِین نانگ کھونگی لدامّا زادکھانگونّی تونلا، تیتوسپو نیونگون چوا زادس۔“

21”تیتوسلا کالتیس سوجیگی کھیوجا، ’ستوسشیگ مسیحا یکانے یا اکانے جُوگستے دوگ‘ زیرنا ایمان ماچو۔ 22چیازیرنا زُوسما مسیحا تانگ زُوسما پیغمبر گون یونگستے ہالاسّیس تانگ ستاگس گُون ستانتے خُدے لدامّا زادکھانگونلانگ گوبسکور تانگچیسّی سونڈوس چوین اِین نانگ تانگ مینیان۔ 23شانگ چوس، توسپو لیبّی سانگ سنگونلا نگے کھیوجا چیتشانگما شادتے این۔“

24”تیتوسلا، ردوگنگالّی ستینگنے

’نییما مونڈیگ گیورین،

لزاوے اوت می تانگ

25نامنے سکارماگون بودین

یانگ نامکھے وانگون ثوگّا زادِین‘ #13‏:25 حضرت یسعیاہ شوقبُوئ 13‏۔ 10، 34‏۔ 4؛ یوایلّی شوقبُوئ 2‏۔ 10

26تینے می تشانگمے، اِبنِ آدم وانگ تانگ شان ٹاگپو نیامپو ثینّیکا ژونتے یونّگا تھونگین ۔ 27یانگ کھوے، فرشتاگون دُنیا گانگپوے نانگنے کھورانگی لدامکھانگون لدوچیسلا کالین ۔“

28”پھیگ کھازاسّی لچانگمے کانے لابجا لینّانگ؛ تیبوے یالگا سنگونپو سونگتے لوما سوما بینّگاچیگ، یار نیمو لیبکھانبو شیسّانوگ۔ 29تینّا تسوگسلا کھیوجاگونّی تے ستاگس گُون تھونّگاچیگ، نگا لوگستے یونگچیسّی توس نیمو، گھوے لدُونلا لیبستے یودکھانبو کھیوجاگونّی شیساین۔ 30نگے کھیوجا لدینبا زیرّاد، ای میرابسپو میدکھان چھے سانگ سنگونلا تے تشانگما جونگین۔ 31نامکھا تانگ دُنیا نیسکو میدکھان چھین، اِین نانگ نگے زیرکھانگون میدکھان مانے میچھا۔“

32”تے تشانگما جونگچیسّی جاگ یا توستش اوت پو خُدے یاب چیگپوا مانے یانگ سوانگ گیوسمید، نامکھے فرشتا یا بُوژانگ۔ 33تیتوسپو کھیوجاگونلا گیوسمید پاسانگ، نیید ماتانّگا دُعا پھولین جوکس۔“

34”تیبو نی میجیگ ساچھا تھاگرینگجیگّا بیسلا چھاکھان ژوگس اینوگ۔ کھانگپانے بینگی سانگ سنگونلا کھوے یوگپوگونلا رانگرانگی لاس چوچیسلا کھاگ کالتے گھو ثونگپابوا شانگ چوستے کھو لوگستے یونگچیسلا ثونگستے دوگ زیرّانوگ۔ 35تیبویپھیا شانگ چوس، چیازیرنا کھانگداگ پھیتوگ، مِنتخسی سکییل، ناملانگسّی سانگ سنگونلا، یا نییما شارتے ستینگنے، نام لوگستے یونگین کھیوجاگونلا گیوسمیدتے اینوگ۔ 36کالتیس کھو ہونمیدلا لیبنا، کھیوجاگون نییدلوگستے یودکھانبو تھونگ ماگوس۔ 37نگے کھیوجاگونلا زیرکھانبو تشانگمالا زیرّاد؛ شانگ چوشیگ۔“

Markert nå:

مارکوس 13: LBJNT

Marker

Del

Kopier