Populære bibelvers fra مارکوس 13

Del

نگیکا ایمان چوچیسپوے می تشانگمے کھیوجاگونلا ناپھراد چوانوگ، اِین نانگ تھاما تشوگپا نگیکا ایمان ستانپو بورکھانگون تھارین۔“

تیتوسپو کھیوجاگونلا گیوسمید پاسانگ، نیید ماتانّگا دُعا پھولین جوکس۔“

کھیوجاگون زومستے ٹھیمسچادچیسلا کھیونّگاچیگ، چی زیرین سامستے سنگونلا تشیر ماتشیر۔ تینّا توسلا، کھیوجا چی زیرچیسلا سالّا زادنانگ، تینّابو زیر، چیازیرنا سپیرا تانگکھانبو کھیوجاگون مانپا، ہلژخمہ رُوح اینوگ۔“

نامکھا تانگ دُنیا نیسکو میدکھان چھین، اِین نانگ نگے زیرکھانگون میدکھان مانے میچھا۔“

”تے تشانگما جونگچیسّی جاگ یا توستش اوت پو خُدے یاب چیگپوا مانے یانگ سوانگ گیوسمید، نامکھے فرشتا یا بُوژانگ۔

کھیوجاگونّی ماگ تانگ ماگی سکورلا اُویاگون تشورّاچیگ، جیگس ماجیگشیگ؛ تیگون چونگّوس، اِین نانگ تھامے توس تارُونگ مِیلیب۔

تیبویپھیا شانگ چوس، چیازیرنا کھانگداگ پھیتوگ، مِنتخسی سکییل، ناملانگسّی سانگ سنگونلا، یا نییما شارتے ستینگنے، نام لوگستے یونگین کھیوجاگونلا گیوسمیدتے اینوگ۔ کالتیس کھو ہونمیدلا لیبنا، کھیوجاگون نییدلوگستے یودکھانبو تھونگ ماگوس۔ نگے کھیوجاگونلا زیرکھانبو تشانگمالا زیرّاد؛ شانگ چوشیگ۔“

گیالکھاگ چیگ تانگ چیگی یانگ گیالثید چیگ تانگ چیگی گیابگالّا ماگ تانگین۔ ناسّا مانگپوے نانّگا موگے تانگ سانگّول یونگین۔ اِین نانگ تیگون نی ٹھوگو سکیچیسّی گوزُوگی زوگزیربو ژوگس این۔“

تھامے توس لیبّی سانگ سنگونلا، گاموےناتسُولبو گیالکھاگ تشانگمالا شادگوس۔

چیازیرنا نگے مینگ کھورتے نگا لدامّا زادکھانّی مسیحا این زیرکھان مانگپوجیگ یونگستے می مانگپوا گوبسکور تانگین۔

”تیتوسلا کھیوجاگون شانگ چوستے دوگ۔ کھیوجاگون تینّا یولّی ٹھیمسکھون گُونی لاگا ستادتے مجلِس گُونی نانّگا کھیوجا ستالچاگ گیابچوگاین۔ نگیکا ایمان یودچیسپوے ٹھیمسچادّالا کالون تانگ گیالپو گونّیکا کھیوجا کھیرین، طِطُس کھیوجا نگا سو اینکھانبوے گواہ کھونگونلا تانگچیسّی سکابس تھوبین۔

چیازیرنا زُوسما مسیحا تانگ زُوسما پیغمبر گون یونگستے ہالاسّیس تانگ ستاگس گُون ستانتے خُدے لدامّا زادکھانگونلانگ گوبسکور تانگچیسّی سونڈوس چوین اِین نانگ تانگ مینیان۔

”تیتوسلا، ردوگنگالّی ستینگنے ’نییما مونڈیگ گیورین، لزاوے اوت می تانگ نامنے سکارماگون بودین یانگ نامکھے وانگون ثوگّا زادِین‘