Populære bibelvers fra Génesis 37

Del

La ya'iy wayich te José, la smelbe ya'iyic te sbanquiltac; c'ax hich la sp'ajic yu'un a.

Te Israel c'ax hich c'ux ta yo'tan a te José te bin ut'il te yantic snich'nab, yu'un mamalix a te ayine. La spasbe smuc'ul-c'u' te bayel sch'ahlel.

C'alal la yilic te sbanquiltac te c'ax hich c'ux ta o'tanil yu'un stat a te José te bin ut'il c'uxultaybilic stuquelic, la sp'ajic soc ma ba lec yo'tanic la sjuquic ta c'op.

La ya'iy yan wayich te José, la smelbe ya'iyic te sbanquiltac, hich la yal: Ay yan jwayich. La jquil te la snijan sbahic ta jtojol te c'ahc'al, u, soc bulucheb eq'uetic, xchi.

Te sbanquiltac ti'ti'o'tantayot yu'un, yan te stat la sna'ulan ta yo'tan.

Te José hich la yalbe ya'iyic: A'iya awa'iyic te jwayich te la jwayichtay: Yacotic ta stomticlanel ta chuquel trigo ta yohl q'uinal. Te jtohm trigo cu'un hahch, toj la stehc'an sba. Te jaytohm trigo awu'unic la sjoyobtayic te cu'une soc la snijan sbahic ta stojol, xchi.

La'ic, ya jmiltic, ya jch'ojtic cohel ta hotbil ch'en, ya caltic te laj ta ti'el ta chambahlam. Tey ya quiltic a bin ut'il ya xc'oht te wayichiletic yu'une, xchihic.

C'alal yacalic ta c'axel tey a te jchombajel madianetic, la sloq'uesic ta ch'en te José, la schombeyic bahel te ismaeletic, jtahb (20) ta sehp plata stojol. La yiq'uic bahel ta Egipto te José.

Hich talel c'axel hahch yalbe sbahic: Talix te jwayich winique.

Namal to ay a la yilic, ma to xc'oht ta banti ayic a hahch schapbeyic sc'oblal ta milel.

Soc hich la yal xan: Ma me xamalic ch'ich'. Ch'ojahic cohel ta hotbil ch'en li' ta jochol taquin q'uinal, ma me xamilic, xchi stuquel. Yu'un snopoj ta yo'tan te ya scoltay loq'uel, patil ya sticon suhtel ta stojol te state.