Populære bibelvers fra Jénésis 37

Del

Buchú bubónge, Josêf o/ri burê, ne ńdyí o/kúng burê ámbu o-sét bwǎn-bané emen, mbé ba-kpet esa kafâ ba-shwôm oshwǒm ne nyǐ.

Josêf o/mû o-jê ng bonchí o-shwôm bwǎn emen ḿbé áku kángkáng, ké nǎ, bonchí o/fwon ǎ ké nkéré mú oo/kâa. Bonchí o/zim ǎ [nkyû mú abwô atangatang.]

Ńdyí bwǎn-bané emen ḿbé áku ba/ri ba/fu, Josêf o-jê ng bonchí ebe o-shwôm kámbé, kafâ ka-kpet esa kámbé ne Josêf, ba-kpet eraa byibî-byiraa ne nyǐ.

Ne Josêf o-chîri burê bukíri, o-chîsét bwǎn-bané emen o/fu, me n/chîri burê bukíri ḿbú n/ri óbyísû ne otukáku ne ékpére diǐkpú ne din ké byi/tíngê kyísí ké bushú ejí.

Orêm o-kpet echi bwǎn-bané-Josêf, nké bonchí o/mû mu o-kabe ng kángkáng nkéré kyi-kim ne burê ámbu.

Josêf o/sét kámbé o/fu, kû n̂g ejwo burê ḿbú me n/ri. Be ashí kángkáng byi/mû ké kyifát byi-bwá ng byiryíng ḿbyí baa/fuu ké akan ké akan. Bukan ḿbú ejí bu-bûu bu-bwom cip. Akan nyí enen a-bwom kerékeré a-fé ḿbú ejí ké otyém, a-tíngê kyísí a-fé kámbú.

Bâ n̂g byi-ju ǎ, byi-yip ǎ byi-twóp ké kafâ-dyibíng-omu dyibónge ńdyí dyi*fí ne omu*. Byi-man n esét byi/fu, kyibî-enyam kii/ju ǎ. Byi/chi byi-ri ńkyí barê emen badachi.

ne ńdyí bancen kasî ḿbé ba/fím Médyan ba/baribi, [bwǎn-bané emen] ba/fîm Josêf ké kafâ-dyibíng-omu ba-kúng ǎ ba-shee banet-Éshimal ké bajam-akpuga-syílyíba bafee. Banet ámbe ba-kúng Josêf ba-dim ne nyǐ Éjip.

Ba-raa ne barî ba/fu, nri barê o-kú o-bâ.

Bwǎn-bané emen ba/bwom tíbítíbí ba-ri ǎ, ne ne o-kûkâm kámbé, ba/cibi ba/fu, mbé ba-ju ng ǎ.

*Da n̂g ǎ eju ojǔng* yip n̂g ǎ ba-twóp ké kafâ-dyibíng-omu ńdyín ké dyikán. Nyǐ o/sét kámbé okabe mún eringe nyí odanyii Josêf, o-twóm ǎ o-bwa esim o-kâm bonchí.