Genese 7
7
1Yehova wamwilili Nowa, nindi, Inzaŋa wiŋili muwatu nineyi niantu akwitala deyi ejima; muloŋa eyi yeyi namoni kuloŋa kumesu amihadi antu amakonu. 2Anyama ejima akadi kujilikawu wakatambuli awa atanu nayedi, awa atanu nayedi, amayala nawambanda; nianyama ajilikawu, ayedi, ayedi, amayala nawambanda. 3Niatujila ahaluzwizu, awa atanu nayedi, awa atanu nayedi, amayala nawambanda; kulonda kusaji ulanachu mbutu mwahita iseki dejima. 4Muloŋa kunashali mafuku atanu nayedi, nakanokesha nvula hamaseki mafuku makumi awana nimwa ananiwufuku; yuma yayumi yejima yineli nakayijilumuna hewulu damaseki ji-i. 5Nowa welili mwejima mwamulejeliyi Yehova.
6Nowa washi kili munyaka makulakaji atanu nadimu henjili dibaji dameji hamaseki. 7Nowa weŋilili muwatu, ni anyanindi, niŋodindi, niaŋodŋa wanyanindi, nansaŋu yameji adibaji. 8Nianyama akadi kujilikawu, nianyama ajilikawu, niatujila, niyuma yazalalaŋa hamaseki, 9epilili muwatu mwadiŋi Nowa, awa ayedi, awa ayedi, niweyala, niwamumbanda, mwomwa mulejelu wuNowa kudi Nzambi. 10Chimwahitili mafuku atanu nayedi meji adibaji enza nikwinza hamaseki.
11Wowu mwaka washikiliyi Nowa munyaka makulakaji atanu nadimu, mukakweji kamuchiyedi, mwifuku damwikumi nakatanu nakayedi dakakweji, dodena ifuku odu tuseloki twamumanyiŋi amaneni twejima twabuzikili, nimakela amwiwulu enzulukili. 12Nvula yanokeli hamaseki mafuku makumi awana nimwaana niwufuku. 13Dena ifuku odu dodepililuwu muwatu aNowa, naShemi, naHami, naYafweta, wowu anyana kaNowa, niŋoda Nowa, ni aŋodi jawanya nindi hamu nawu; 14niwena, nianyama ejima mwahita nyitundu yawu, ni ayimuna ejima mwahita nyitundu yawu, niyuma yazalalaŋa hamaseki mwahita nyitundu yawu, niatujila ejima mwahita nyitundu yawu, tujila twejima twakunyitundu yejima. 15Epilili muwatu mwadiŋiyi Nowa, awa ayedi, awa ayedi, akwanyijimba ejima ahandaŋa nakwona. 16Awa epilili eŋilili niweyala niwa mumbanda akwanyijimba ejima, mwomwa mulejeliyi Nzambi; Yehova hakumwenzelamu.
17Dibaji dadiŋi heseki mafuku makumi awana, meji hiyakuvula, anyamuna niwatu hewulu, watu wunyamuka nikunyamuka heseki. 18Meji asweja nikusweja, hiyakuvula nankashi hamaseki; watu hiwukwendaniha meji. 19Meji asweja nikusweja chakubadika hama hamaseki; mpidi jajilehi jejima jadiŋi mwishina dewulu jijimina nikujimina hameji wi-i. 20Meji hiyakuya kwiwulu kweseka munkotweli jachikasa ikumi najitanu jikwawu; nimpidi jijimina nikujimina mumeji wi-i. 21Akwanyijimba ejima endeli hewulu damaseki afwili, niatujila, ni ayimuna, nianyama, niayuma akuzalala azalalaŋa heseki, niantu ejima. 22Wejima wawuakweti mumazulu awu kwona kwaspiritu wawumi, wejima wawu adiŋi hamaseki awuma, afwili. 23Yuma yejima yikweti wumi yadiŋi hewuludeseki yajilili to-o, niantu, ni ayimuna, niyuma yazalalana, niatujila ahaluzwizu; ajilili hamaseki to-o; kwasheli kwaNowa hohu, niadiŋiyi nawumuwatu. 24Meji aswejeli hamaseki mafuku nkulakaji namafuku makumi atanu.
Nu geselecteerd:
Genese 7: MW62
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
The Bible in Lunda: Ndembu (Lunda of Kalunda) © B. F. B. S. 1962.
