Genese 6
6
1Cheliluwu antu anatachiki dehi kuvula mwahita iseki, hiyakuvwala nianyana awambanda, 2anyana kaNzambi amayala amweni anyanakawantu awambanda nawu akweti lubanji, asumbula ni aŋodi jawu, ejima akeŋeluwu. 3Yehova welili nindi, Spiritu yami hakakabakanaŋa namuntunyaka yejimaku, muloŋa niyena kwindi himuntu hohu, ilaŋa nyaka yindiyakashika munyaka nkulakaji namakumi ayedi. 4Hanyaka yina hamasekihadipi antu ataluka, nkumininaku anyana kaNzambi amayala cheŋi liluwumudi anyana kawantu awambanda, hiyakuyivwela anyana; wenowu antu ahashankulu adiŋi asweja, amayala atiyakana mpuhu.
5Yehova wamweni kutama kwawantu kunatohi hamaseki, nimwafuukwiluwu mwejima nakutopojoka munyichima yawu munatami hohu bweŋi mafuku ejima. 6Yehova chamufutwili kumuchima nanochu cheliliyi muntu hamaseki, chamutiyishili kumuchima bwi. 7Yehova welili nindi, Antu naleŋeli nukuyijilumuna mwahita iseki; niantu, nianyama, niyuma yazalalaŋa, niatujila ahaluzwizu; muŋa chinanfutuli kumuchima chinayilili. 8Ilaŋa Nowa amutoŋeli kudi Yehova.
9Tiyenu nsaŋu jaNowa. Nowa wadiŋi muntu waloŋa, muntu walalahadi akwawu antu; Nowa wendeli naNzambi. 10Nowa wavweli anyana amayala asatu, iwu Shemi, iwu Hami, iwu Yafweta.
11Iseki datokeli kumesu aNzambi, iseki dawaninini kwamadombuhohu. 12Nzambi wamweni iseki dinatoki dehi kwadu; muloŋa antu ejima aditokesheli mwendeluwu hamaseki bu-lu-lu.
13Nzambi hakumwila Nowa, nindi, Namoni antu ejima kunayikumi dehi; muloŋa iseki adiwanisha dehi madombu kudi wena; dichi nakayijilu mwinakumu neseki. 14Katuŋi watu wamapalanga anyingofu, muwatu wakaketolumu tupeka, wakawujikajiki naweŋi wamupachi nimukachinihanzi. 15Tiya chiwakawu tuŋa; mukuleha kwawatu wakashika mumakulakaji asatu amunkotweli yachikasa, mukutoha kwawu makumi atanu amunkotweli, mukuleha kwawu kwiwulu makumi asatu amunkotweli. 16Watu wakawisha ipwata, dakashali kwiwulu nakweseka mwomunkotweliyimu yachikasa; chisu chawatu wakashila mumbavu yawu; wakatuŋa matala amakwawu mwishina, amakwawu hakachi, amakwawu hewulu. 17Ninami, chalala ami aweni kwaamu, hinukuleta dibaji dameji hamaseki, kulonda kujilumuna mwishina dewulu akwanyijimba ejima ahandaŋa nakwona; niyuma yejima yekala mwishina hamaseki yakafwa. 18Ilaŋa dinu munatiyaŋani naneyi nukukoleshamu; wakeŋa ila muwatu, nineyi, nianyaneyi, niŋodeyi, ni aŋodi jawanyaneyi hamu naneyi. 19Wakeŋi muwatu yuma yayumi yejima yikweti nyijimba, kulonda kuyihandisha ayedi ayedi kunyichidi yejima, hamu naneyi; akekala niweyala niwamumbanda. 20Nihadi atujila hanamutundu, hanamutundu, nihadi ayimunaha namutundu, hanamutundu, nihadi yuma yazalalaŋa hamaseki hanamutundu, hanamutundu, hakanyamuka ayedi ayedi ahanyitundu yejima akenza kudeyi, kulonda kuyihandisha. 21Katambuli yakudya yejima yadyaŋawu, kayipompeshi, yakeli yakudya niyeyi niyawu. 22Dichi cheliliyi Nowa; mwejima mwamulejeliyi Nzambi dimu mweliliyi.
Nu geselecteerd:
Genese 6: MW62
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
The Bible in Lunda: Ndembu (Lunda of Kalunda) © B. F. B. S. 1962.
