Genese 8
8
1Nzambi wa anukili Nowa, niyuma yayumi yejima, niyimuna yejima yadiŋiyi nayu muwatu. Nzambi wakunkishili mpepela hamaseki, nimeji hiyakunyekumuka. 2Nituseloki twamu kaluŋalwiji, nimakela amwiwulu ajika nikujika, ninvula ayiketwishili mwiwulu. 3Meji hiyakunye kumukanakuuma hamaseki, awa akuya awa, awa akuuma awa; chimwahitili mafuku nkulakaji namafuku makumi atanu meji anyekumuka nikunyekumuka. 4Hakakweji kamuchitanu nachiyedi, ifuku dekumina muchitanu nachiyedi dakakweji, watu wakuŋameni hampidi jaArarati. 5Meji awa akuya awa, awa akunyekumuka awa, nicha alukiliyi kakweji kamwikumi; hakakweji kamwikumi, hefuku dakusambila dakakweji, nyitu yampidi yamwekeni.
6Chimwahitili mafuku makumi awana Nowa wenzulwili kwipwatadawatu watuŋiliyi; 7hakutu ukisha ikololu, wedi kili hakuya nakukimbuka, niniku niniku, nichominuwu meji hamaseki. 8Watuukishili nawa nikatela, atali neyi meji ananyekumuki dehi hamaseki. 9Hakwinza katelahi kamweni hakudatila mwendu wakuku, hikakufunta kudi yena muwatu, muloŋa meji achidiŋi mwejima mwahita iseki; wedishili chikasa chindi, wamukwatili, wamwijijili cheŋi muwatu mwadiŋiyi Nowa. 10Wajiŋili mafuku amakwawu atanu nayedi, wamwidishili cheŋi katela muwatu, 11hamelela katela kafuntili cheŋi mwadiŋiyi yena; kutala kumuvumbu waku kudiifu dakuhobola kumuolive. Nowa welukiii nindi meji ananyekumuki dehi hamaseki. 12Wajiŋili cheŋi mafuku amakwawu atanu nayedi, hakutu ukisha cheŋi nikatela; hikafuntili cheŋi kudi Nowaku.
13Hamwaka wamakulakaji atanu nadimu namwaka wumu, hakakweji kakusambila, hefuku dakusambila dakakweji, meji omini hamaseki; Nowa wajikwili chiku chawatu, hakutala komana hamaseki hanomi dehi. 14Hakakweji kamuchiyedi, hefuku damakumi ayedi namu chitanu nachiyedi, iseki domini.
15Nzambi wamwilili Nowa, 16nindi, Idikaku muwatu, nineyi, niŋodeyi, nianyaneyi, ni aŋodi jawanyaneyi hamu. 17Idishilaku hamu neyiyuma yayumi yejima yiwudi nayu yikweti nyijimba yejima, niatujila, ni ayimuna, niyuma yazalalaŋa hamaseki; kulonda akasemununi nankashiha maseki, akasemununi, akavuli hamaseki. 18Nowa wedikilumu, ni anyanindi, niŋodindi, ni aŋodi jawanyanindi hamu. 19Anyama ejima, niyuma yazalalaŋa hamaseki yejima, niatujila ejima, yoyuma yejima yendaŋa hamaseki, hanyitundu yawu, hanyitundu yawu, yedikili muwatu.
20Nowa wanamutuŋilili Yehova kameŋa; hadi anyama ejima akadi kujilikawu, nihadi atujila ejima akadi kujilikawu, wakwatiluhu amakwawu, wayilambwiliha kameŋa, hinyilambu yakushita. 21Yehova watiyili ivumbo dudadiwahi; Yehova wahosheli mumuchima windi, nindi, Hinakashiŋa cheŋi maseki hansaŋu yamuntuku, muloŋa kufuukula kwamu muchima wamuntu kwatama hohu kufumisha kuwansi windi; hinaketa nawa cheŋi yuma yayumi yejima neyi ichi chineluku. 22Saŋa adiyi iseki, nimwakawa kutumba, nimwaka wakwaŋula nimashika ninkanza, nimwaka wanvulani mwaka wanoŋa, nimwaana niwufuku, hikwamba kaketukaku.
Nu geselecteerd:
Genese 8: MW62
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
The Bible in Lunda: Ndembu (Lunda of Kalunda) © B. F. B. S. 1962.
