Saint Marc 8
8
1Ka name o̱kèo̱ ko̱ ro̱kè njoukouli nyèta mi kaïn ndoï ba aféké tou, da laka mi tane tiya, Jésus mi di njou‐séna bong nèli guè monè, ka sa hi kli: 2Mè ko̱ ro̱kè njoukou aïnli passé ta; baï ko̱ klime kaou jing mi ma name saï kassénaï tou, da laka mi tane tiya. 3Da tokoré mème sa hi kli an klime sé guè pou kli tane sona laka, kli ma kpéme an domboro; baï ko̱ hanali an woro kli mi ourou gui ka pou dita. 4Da njou‐séna bong nèli mi féré sa hi nè: Yé njoukouna mi ma baï jingna tarou mabongkè an guèl aïn, baï an njoukou aïnli on mi son ka mba an woropa aïn lé? 5Da Jésus mi oui kli: Tarou ro̱ko̱ ane an ndo̱ko̱ baï lé? Da kli sa: Difala‐séré. 6Da Jésus mi sa bi njaka ro̱kè njoukouli on an klime kaou koukoula, da kème bi tarou on difala‐séré, da afal ko̱ kème kaou koukoula hi Ouone tou, kè haou ka hi njou‐séna bong nèli baï walakè hi kli; da njou‐séna bongli mi wal hi ro̱kè njoukouli on. 7Da klime jing goune lélé njouïli gounfènakè on kéng. Da afal ko̱ Jésus mi same tou, kème sa hi kli baï ndé wala njouï on hi njoukou aïnli kéng. 8Da klime son ka mba, da klime fan gara boutoukèli ko̱ na mba karo difala‐séré. 9Kli hèdi ténakè‐bongkè‐nèng. Da Jésus mi sa hi kli an klime sé.
10Da koukoulion kè kira njou‐séna bong nèli mi hé bil kombone, ka tèn gui guèl Dalmanutha.
11Da pharisienli mi gui ka tissaon baï ouina nè, ka nza ba fèn to̱ko̱nakè an nonkala hi kli, baï ko̱ kli ji léna nè. 12Da Jésus mi lé hang‐è ka esprit nè, ka sa: Baïfèn da mèran njoukou aïnli mi nza fèn to̱ko̱nakè lé? Babaï, mi mè sa hi oui, hina fèn to̱ko̱nakè hana mbéo hi mèran njoukou aïnli tane tiya.
13Da kème yèng kli, ka kaïn féré hé bil kombone baï séna guè mboro hélé an lèkè.
14Da njou‐séna bongli mi yangnaran baï bina tarou guè jing kli; bo̱l ba aïn mbéo on ko̱ mi na jing kli an bil kombone. 15Da Jésus mi wara kli ka sa: Oui pèng mone baï ka ngou vounafèn a pharisienli, tèn vounafèn a Hérode. 16Da njou‐séna bongli mi kèrè ka bo̱ko̱ go̱ro̱ kli jing hana, ka sa: Baï ko̱ name tane ga ti jing tarou ya. 17Da ko̱ Jésus mi toutou on, kè sa hi kli: Baïfèn da ouime kèrè ka bo̱ko̱ go̱ro̱ baï on ba baï ko̱ ouime tane ti jing tarou ya lé? Oui pane ga cho̱k ka tou nguite ya lé? Go̱ro̱ baï mi pane name bang lé? 18None baï mana, da oui tane ga ko̱ guèl ya lé? Da soukou baï mana, da oui tane ga la baï ya lé? Da oui tane ga bi hang baï rou ya lé? 19Ko̱ mème haou tarou dioui baï toula njoukouli ténakè‐bongkè‐dioui, da karo mba ka boutoukèli ro̱ko̱ ane ko̱ oui fan lé? Klime sa hi nè: Botoulè‐séré. 20Da ko̱ mème haou tarou difala‐séré baï toula njoukouli ténakè‐bongkè‐nèng, da karo mba ka boutoukèli ro̱ko̱ ane ko̱ oui fan lé? Klime sa hi nè: Difala‐séré. 21Da mème sa hi kli: oui pane tane ga tou nguite ya lé?
22Da kli gui kan pou Bethsaïda. Da klime ya njou‐foukoura none guè mona Jésus, ka sa jo̱jo̱ nè, an kème da nè. 23Da kème ko̱ko̱ ndo̱ka njou‐foukoura none on, ka ya nè sé guè fal ngalang; da ko̱ kème san same kon nonè tou, kème goukou ndo̱kè toulè, ka oui nè: Mo ko̱ fèna lé? 24Kè ènrèn guè siya, ka sa: Mè ko̱ njoukouli, ka ko̱ kli mahana ka dili ko̱ ngou riou. 25Da Jésus mi kaïn goukou ndo̱kè toul nonè ba aféké; da kème bourou nonè, ka ènrèn mbélélé, da nonè mi bourou, da kè ko̱ fènli bon tang dèdèlè. 26Da Jésus mi pi nè sé guè voulè, ka sa: Mo tane sèrè sé guè bil pou ya.
27Da Jésus mi sé kira njou‐séna bong nèli guè bil pouli an guèl Césarée a Philippe. Da kème oui njou‐séna bong nèli an domboro, ka sa hi kli: Njoukouli sa mè ba guè lé? 28Kli sa hi nè, ka sa: Mo ba Jean‐Baptiste; da hanali mi sa mo ba, Élie; da afékéli mi sa mo ba, hana mbéo an wora prophèteli. 29Da kème oui kli: Da abaï, oui sa ba mè ba guè lé? Pierre mi féré sa, ka sa hi nè: Mo ba Christ. 30Da Jésus mi gna bi njaka kli pouta, an klime tane sa baï aïn toulè hi njoukouna mbéo ya.
31Da kème tissaon baï to̱ko̱na hi kli, ko̱ yé Goune a njoukou ma to̱ko̱ssé jing fènli nyèta, da tangchidoli da loukou sacrificateurli tèn njou‐to̱ko̱na bong guingnali ma pong nè, ka i nè, da afal name saï kè ma tome. 32Kème sa baï on bi kala an nona ro̱kè. Da Pierre mi ya nè ka tissaon baï tona nè. 33Da Jésus mi ki monè ka ko̱ njou‐séna bong nèli, ka ba baï hi Pierre, ka sa: Mo sé kaïn ni Satan, baï ko̱ kèrafèn no mi tane ti toul fènli a Ouone ya, da ba toula fènli a njoukouli.
34Da kème di ro̱kè njoukouli on tèn njou‐séna bong nèli gui monè, ka sa hi kli: Tokoré njoukouna mi ji guina fali, dadaon an kème njomo monè fènè, da hol di‐croix nè, ka gui fali. 35Baï njoukouna ko̱ mi ji kouna yana nè, yé kè ma bo̱l yana nè, da njoukouna ko̱ mi bo̱l yana nè baï touli da baï toul bèlabaï kè ma kou yana nè. 36Da yé njoukouna ma jing ba fèn ko̱ tokoré kème jing koukoula bon, da laou‐è mi bo̱l lé? 37Da yé njoukou ma hi ba fèn baï komona laou‐è rou lé? 38Baï ko̱ njoukouna ko̱ mi nding chonron baï touli da baï toul baïnjaka nili an wora mèrèn béké njou‐maïn aïnli, yé Goune a njoukou ma ndé nding chonron baï toulè kéng, ka name on ko̱ kème guè an bil jonafèn a Baba nè jing tangna fofoto angeli.
Nu geselecteerd:
Saint Marc 8: KBN1947
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
Published by the British and Foreign Bible Society in 1947.
