Johannes 6
6
Jesus mettar 5.000 mann i øydemarki, 1-15, gjeng på sjøen, 16-21, talar i Kapernaum um at han er livsens brød, 22-59. Mange av læresveinane hans støyter seg på talen hans, 60-66, men på vegner av dei tolv apostlane sannar Peter si tru, 67-69. Jesus segjer fyreåt at Judas skal svika han, 70.71.
1Sidan for Jesus burt til hi sida av Galilea- eller Tiberiassjøen. 2Og det fylgde han mykje folk, av di dei såg teikni han gjorde på dei sjuke. 3Men Jesus gjekk upp i fjellet, og der sette han seg med læresveinane sine. 4Det leid då mot påskehelgi åt jødane. 5Som no Jesus såg upp og vart var at det kom mykje folk til han, segjer han til Filip: Kvar skal me kjøpa brød, so desse folki kann få seg mat?#Matt 14,13-21; Mark 6,30-44; Luk 9,11-17 6Det sa han av di han vilde røyna han; for han visste sjølv kva han vilde gjera. 7Filip svara: Brød for tvo hundrad peningar rekk ikkje til so kvar av dei kann få eit lite stykke. 8Ein av læresveinane hans - det var Andreas, bror åt Simon Peter - segjer til han: 9Her er ein liten gut som hev fem byggbrød og tvo fiskar; men kva er det åt so mange?#2 Kong 4,43 10Lat folket setja seg! sa Jesus. Det var mykje gras på den staden, so sette mennene seg; dei var um lag fem tusund i talet. 11Då tok Jesus brødi og takka, og skifte dei ut til dei som sat der, og like eins av fiskane, so mykje dei vilde hava. 12Då dei var mette, segjer han til læresveinane: Sanka i hop dei stykki som er att, so ingen ting vert spillt! 13So gjorde dei det, og dei fyllte tolv korger med stykki som var att av dei fem byggbrødi etter dei som hadde ete. 14Då no folket såg det teiknet han hadde gjort, sa dei: Dette er visst og sant profeten som skal koma til verdi!#Joh 1,25; 7,40 15Då skyna Jesus at dei vilde koma og taka han med makt og gjera han til konge; difor drog han seg undan og gjekk upp i fjellet att, han åleine.#Matt 14,22-33; Mark 6,45-52 16Då det vart kveld, gjekk læresveinane ned til sjøen; 17dei steig ut i ein båt og vilde fara yver sjøen, til Kapernaum. Det var alt myrkt vorte, og Jesus var endå ikkje komen til dei. 18Bårone gjekk høgt; for det bles ein hard vind. 19Då dei so hadde rott ei fem og tjuge eller tretti stadier, ser dei at Jesus kjem gangande på sjøen og kjem næmare og næmare innåt båten. Dei vart redde, 20men han sa: Det er eg; ver ikkje redde! 21Då vilde dei taka han upp i båten, og straks var båten ved det landet dei skulde til. 22Dagen etter stod det endå ein folkehop på hi sida av sjøen; dei hadde set at det ikkje var meir enn ein båt der, og at Jesus ikkje gjekk i båten med læresveinane sine, men læresveinane tok av stad åleine. 23Men det kom båtar frå Tiberias, tett innmed den staden dei hadde halde måltid etterpå Herrens takkebøn. 24Då no folket såg at Jesus ikkje var der, og ikkje læresveinane hans heller, steig dei sjølve i båtane og for til Kapernaum og leita etter Jesus, 25og då dei fann han der, på hi sida av sjøen, sa dei til han: Når kom du hit, rabbi? 26Jesus svara dei: Det segjer eg dykk for visst og sant: Det er ikkje for di de såg teikn at de leitar etter meg, men for di de åt av brødi og vart mette. 27Vinn dykk ikkje føda som forgjengst, men føda som varer og gjev eit æveleg liv! Den skal Menneskesonen gjeva dykk; for han hev Faderen, Gud, sett sitt innsigle på.#Joh 6,40.54; 4,14; 5,36.39 28Då sa dei til han: Korleis skal me fara åt, so me kann gjera Guds gjerningar? 29Jesus svara: Det er Guds gjerning at de skal tru på den som han sende.#1 Joh 3,23 30Då sa dei til han: Kva teikn gjer då du, so me kann sjå det og tru deg? kva for verk gjer du?#Joh 2,18 31Federne våre åt manna i øydemarki, som skrive stend: Han gav dei brød frå himmelen å eta.#2 Mos 16,4-30; Sal 78,24 32Då sa Jesus til dei: Det segjer eg dykk for visst og sant: Moses gav dykk ikkje brødet frå himmelen, men Far min gjev dykk det rette brødet frå himmelen; 33for Guds-brødet er det brødet som kjem ned frå himmelen og gjev verdi liv. 34Då sa dei til han: Herre, gjev oss alltid det brødet! 35Jesus svara: Eg er livsens brød; den som kjem til meg, skal ikkje hungra, og den som trur på meg, skal aldri tyrsta.#Jes 55,1-5; Joh 4,14; 7,37 36Men eg sa dykk at de hev set meg og endå ikkje trur.#Joh 6,26 37Alle som Far min gjev meg, kjem til meg, og den som kjem til meg, skal eg so visst ikkje visa burt;#Joh 17,9 38for eg hev kome ned frå himmelen, ikkje til å gjera det eg sjølv vil, men det han vil som sende meg,#Matt 26,39-46; Joh 4,34; 5,30 39og det er hans vilje som sende meg, at eg ikkje skal missa noko av alt det han hev gjeve meg, men vekkja det upp att på den siste dag.#Joh 10,28-29; 17,12; 18,9 40For so vil Far min at kvar den som ser Sonen og trur på han, skal hava æveleg liv, og at eg skal vekkja han upp att på den siste dag.#Joh 6,47; 3,15-21 41Då murra jødane og fann åt han for di han sa: Eg er brødet som kom ned frå himmelen. 42Er ikkje dette Jesus Josefsson? sa dei; me kjenner då både far hans og mor hans; korleis hev det seg at han no segjer: Eg hev kome ned frå himmelen?#Joh 7,27; Matt 13,55; Luk 4,22 43Då tok Jesus til ords og sa til dei: Haldt ikkje på å murra dykk imillom! 44Ingen kann koma til meg utan Faderen, som sende meg, hev drege han, og eg skal vekkja han upp att på den siste dag.#Joh 12,32; Jer 31,18 45Det stend skrive hjå profetane: Og alle skal dei vera upplærde av Gud. Kvar som hev lydt på Faderen og lært, han kjem til meg.#Jes 54,13; Jer 31,33-34; Mi 4,2; 1 Tess 4,9 46Ikkje so at nokon hev set Faderen utan han som er frå Gud, han hev set Faderen.#Matt 11,27; Joh 1,18 47Det segjer eg dykk for visst og sant: Den som trur, hev æveleg liv.#Joh 6,40 48Eg er livsens brød. 49Federne dykkar åt manna i øydemarki og døydde;#Joh 6,31; 1 Kor 10,5; Hebr 3,17 50her er det brødet som kjem ned frå himmelen, so ein skal eta av det og ikkje døy. 51Eg er det levande brødet, som kom ned frå himmelen; dersom nokon et av det brødet, skal leva til i all æva; og brødet eg vil gjeva, er kjøtet mitt, som eg gjev til liv for verdi.#Joh 3,13 52Då tretta jødane med kvarandre og sa: Korleis kann han gjeva oss kjøtet sitt å eta?#Joh 6,42 53Då sa Jesus til dei: Det segjer eg dykk for visst og sant: Et de ikkje kjøtet åt Menneskesonen og drikk blodet hans, hev de ikkje liv i dykk.#Joh 3,36 54Den som et mitt kjøt og drikk mitt blod, hev eit æveleg liv, og eg skal vekkja han upp att på den siste dag. 55For kjøtet mitt er retteleg mat, og blodet mitt er retteleg drykk. 56Den som et mitt kjøt og drikk mitt blod, han vert verande i meg og eg i han.#Joh 15,4 57Som den levande Faderen sende meg, og eg lever ved Faderen, so skal og den som et meg, leva ved meg. 58Det er brødet som kom ned frå himmelen; det er ikkje som det federne dykkar åt og so døydde; den som et dette brødet, skal leva i all æva. 59Dette sa han i eit synagogemøte, medan han lærde i Kapernaum. 60Mange av læresveinane hans sa då dei høyrde det: Dette er stride ord, kven kann høyra på det? 61Jesus visste med seg at læresveinane hans murra um dette, og han sa til dei: Støyter de dykk på dette? 62Enn når de fær sjå Menneskesonen fara upp dit han var fyrr?#Mark 16,19 63Det er Anden som gjev liv; kjøtet gjer ikkje noko gagn. Dei ordi eg hev tala til dykk, er ånd og er liv;#2 Kor 3,6 64men det er nokre av dykk som ikkje trur. For Jesus visste frå fyrste stund kven det var som ikkje trudde, og kven det var som skulde svika han.#Joh 2,25; 13,11 65Og han sa: Difor var det eg sa dykk at ingen kann koma til meg utan det er gjeve han av Faderen.#Joh 6,44 66For dette var det mange av læresveinane hans som drog seg undan og ikkje gjekk ikring med han lenger. 67Då sa Jesus til dei tolv: Vil de og ganga dykkar veg? 68Simon Peter svara: Herre, kven skulde me ganga til? Du hev det ævelege livs ord,#Joh 6,63; Apg 5,20 69og me trur og veit at du er den Heilage frå Gud.#Joh 10,36 70Hev eg ikkje sjølv valt dykk ut, alle tolv? svara Jesus, og ein av dykk er ein djevel!#Luk 6,13; Joh 8,44 71Han meinte Judas, son åt Simon Iskariot; for det var han som sidan skulde svika han - han, ein av dei tolv.#Matt 26,47-56
Nu geselecteerd:
Johannes 6: NO1938N
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
© Norwegian Bible Society 1938
© Bibelselskapet 1938
https://www.bibel.no/Nettbibelen/Opphavsrett_2
