उद्देश्यले भरिएको जीवन जिउनुहोस्!Sample

“परमेश्‍वरप्रतिको हाम्रो प्रेम बढाउँदै लैजानु”

एक मित्र वा परिवारको सदस्यसँगको भन्दा परमेश्वरप्रतिको प्रेम विकास गर्नु अलि बढी चुनौतीपूर्ण छ। एउटा प्रमुख कारण यो छ कि हामीले भौतिक रूपमा परमेश्वरलाई देख्न सक्दैनौँ। त्यसकारण, परमेश्वरप्रतिको प्रेम कायम राख्न र बढाउन विश्वास चाहिन्छ।

"अब विश्‍वासचाहिँ आशा राखिएका कुराको निश्‍चय र नदेखिएका कुराको ढृढ़ भरोसा हो। ।" हिब्रू ११:१

विश्वासले हामीलाई हाम्रो हृदयबाट साँचो प्रेमलाई प्रत्यक्ष रूपमा परमेश्वर सम्म पुर्याउन मद्दत गर्छ, यद्यपि हामीले उहाँलाई हाम्रो शारीरिक आँखाले देख्न सक्दैनौँ। परमेश्वरप्रतिको हाम्रो प्रेम बढाउनको लागि हाम्रो क्रिश्चियन जीवनमा विश्वास सक्रिय हुनुपर्छ।

जब हामी परमेश्वरको वचन पढ्छौं, उहाँको प्रेम र हाम्रो जीवन र अरूसँगको संलग्नता देख्छौँ, र प्रार्थनामा उहाँसँगको सङ्गतिमा बिताउँछौँ, हामी परमेश्वरलाई अझ बढी चिन्न थाल्छौँ। समयको यात्रा सँगै उहाँलाई अझ धेरै चिनाइले हाम्रो जीवनमा उहाँप्रतिको साँचो परिपक्व प्रेमलाई बढाउँछ।

उहाँमाथिको हाम्रो विश्वासबाट परमेश्वरप्रतिको प्रेम बढाउनु पनि कार्य मार्फत त्यो प्रेम प्रकट गर्नमा भर पर्छ:

"यसरी विश्‍वास पनि काममा प्रकट हुँदैन भने त्‍यो विश्‍वास मृत हो।" याकूब २:१७

कार्य मार्फत परमेश्वरप्रतिको हाम्रो प्रतिबद्धतासँगै विश्वासद्वारा परमेश्वरप्रतिको हाम्रो प्रेम नै उहाँसँगको सफल, बढ्दो सम्बन्धको लागि आवश्यक रसायन हो।

हाम्रो विश्वासलाई कार्यमा लगाउने फलस्वरूप परमेश्वरप्रतिको हाम्रो प्रेम निश्चित रूपमा बढ्नेछ तर यी कार्यहरूले हाम्रो लागि परमेश्वरको प्रेम र अनुग्रह चाहिँ कमाउँदैनन् भन्ने कुरा बुझ्नु पनि महत्त्वपूर्ण छ।

सत्य यो हो कि हामीले उहाँलाई चिन्नुभन्दा धेरै अघि नै परमेश्वरले हामीलाई घनिष्ठ र बिना शर्त प्रेम गर्नुभएको थियो। उहाँ र अरूको लागि हाम्रो प्रेमको साँचो स्रोत परमेश्वरको प्रेम हो ।

"हामी प्रेम गर्दछौँ, किनभने पहिले उहाँले हामीलाई प्रेम गर्नुभयो।" १ यूहन्ना ४:१९