बाइबल जीवित छSample

बाइबल जीवित छ

यो बाइबल हाम्रो लागि परमेश्वरको वचन हो । यो परमेश्वरले आफ्नो चरित्र र मानव जातिलाई बचाउने तथा पुनर्स्थापना गर्ने आफ्ना योजनाहरूका बारेमा मानवहरूमार्फत बताउनुभएको लिखित कथा हो । अनि यो परमेश्वरद्वारा प्रेरित भएको कारणले गर्दा धर्मशास्त्रको प्रत्येक खण्डसँग हामीलाई सल्लाह दिने, कायल पार्ने र परिवर्तन गर्ने शक्ति छ ।  

एउटा त्यस्तो समयका बारेमा सोच्नुहोस् जब तपाईँले आफ्नो मन नविकरण भइरहेको महसुस गर्नुभएको थियो वा आफ्नो जिवनको कुनै क्षेत्रमा रूपान्तरण भएको देख्नुभएको थियो ।

यदि तपाईँले नियमित रूपमा धर्मशास्त्रलाई पढ्नुहुन्छ वा सुन्नुहुन्छ भने तपाईंले त्यसको प्रेरित गर्ने, उत्साह दिने र अझ तपाईंलाई चुनौती दिने शक्तिको अनुभव पक्कै पनि गर्नुभएको छ । 

बाइबल इतिहासको पाठभन्दा पनि माथि छ ।

यो परमेश्वरले जे गर्नुभएको छ त्यसलाई पुनः बताइएको मात्र भएता पनि यसले हामीलाई परमेश्वरले के गर्नुहुनेछ भनेर पनि देखाउँछ ।

यो परमेश्वरले इतिहासभरि उजागर गरिरहनुभएको कथालाई प्रकट गर्नुभएको हो; एउटा त्यस्तो कथा जुन उहाँ हामीद्वारा निरन्तर रूपमा बताउन चाहनुहुन्छ ।  

परमेश्वरको वचन मानिसहरूको हृदयमा समयको सुरुवातदेखि नै प्रवेश गरेको छ र त्यसको प्रेरणाले शहर, राष्ट्र तथा महादेशहरूको रूपान्तरणलाई अगाडि बढाएको छ ।  

त्यसकारण यस हप्ता, आउनुहोस् परमेश्वरले ख्रीष्टियनहरूद्वारा इतिहासकालदेखि नै बताइरहनुभएको कथालाई हेरेर बाइबल हाम्रो विश्वमा कसरी जीवित र सक्रिय छ भनेर उत्सव मनाऔं—त्यस्तो कथा जसले अन्धकारलाई चिर्न, आशा जगाउन, जीवनहरूलाई पुन:स्थापना गर्न र विश्वलाई परिवर्तन गर्न सक्ने बाइबलको क्षमतालाई प्रस्तुत गर्दछ ।