भजनसंग्रह 44:3-8
भजनसंग्रह 44:3-8 नेपाली नयाँ संशोधित संस्करण (NNRV)
उनीहरूले तरवारको बलले देश जितेका होइनन्, न त उनीहरूको बाहुबलले उनीहरूले विजय हासिल गरेका हुन्। तपाईंकै दाहिने बाहुलीले, तपाईंकै पाखुराले र तपाईंका मुहारको प्रकाशले उनीहरू विजयी भएका थिए, किनभने तपाईंले उनीहरूलाई प्रेम गर्नुहुन्थ्यो। तपाईं मेरा राजा र परमेश्वर हुनुहुन्छ, जसले याकूबलाई विजय प्रदान गर्नुहुन्छ। तपाईंद्वारै हामी आफ्ना विरोधीहरूलाई पछाडि धपाउँछौं। हाम्रा विरुद्धमा उठ्नेहरूलाई हामी तपाईंकै नाउँले कुल्चदँछौं। आफ्नो धनुमा म भरोसा गर्दिनँ, मेरो तरवारले मलाई विजय दिँदैन। तर तपाईंले हामीलाई हाम्रा शत्रुहरूमाथि विजय दिनुहुन्छ, र हाम्रा विरोधीहरूलाई शर्ममा पार्नुहुन्छ। परमेश्वरमा नै हामी निरन्तर गर्व गर्छौं र सदा तपाईंकै नाउँको प्रशंसा गर्नेछौं। सेला
भजनसंग्रह 44:3-8 पवित्र बाइबल, नेपाली समकालीन संस्करण (NCV)
तिनीहरूले आफ्नै तरवारद्वारा देश जितेका होइनन्, न त तिनीहरूको बाहुबलले विजय पाएका हुन्; तपाईंको दाहिने बाहुलीले, तपाईंकै पाखुराले र तपाईंको मुहारको प्रकाशले तिनीहरू विजय भएका थिए; किनकि तपाईंले तिनीहरूलाई प्रेम गर्नुहुन्थ्यो। तपाईं मेरा राजा र मेरा परमेश्वर हुनुहुन्छ; जसले याकोबलाई विजयको आदेश दिनुहुन्छ। तपाईंद्वारा नै हाम्रा शत्रुहरूलाई पछाडि धपाउँछौँ; तपाईंको नामद्वारा नै हाम्रा वैरीहरूलाई कुल्चन्छौँ। म आफ्नो धनुमा भरोसा गर्दिनँ, मेरो तरवारले मलाई विजय गराउँदैन; तर तपाईंले हामीलाई हाम्रा शत्रुहरूमाथि विजय दिनुहुन्छ; तपाईंले नै हाम्रा विरोधीहरूलाई लाजमा पार्नुहुन्छ। दिनभरि नै हामी आफ्ना परमेश्वरमा गर्व गर्छौँ, र हामी सदाकाल तपाईंको नामको प्रशंसा गर्नेछौँ। सेला
भजनसंग्रह 44:3-8 पवित्र बाइबल (NERV)
हाम्रा पिताहरूका तरवारहरू थिएनन् जसले जमीन खोस्यो। उनीहरूका पाखुराहरू बलिया थिएनन्, जसले तिनीहरूलाई विजयी गराए। यो हाम्रो पिता-पुर्खाहरूसँग तपाईं भएको कारणले गर्दा भएको हो। परमेश्वर, तपाईंको महान् शक्तिले हाम्रा पिता-पुर्खाहरूलाई बचाउनु भयो। किनभने तपाईंले उहाँहरूलाई प्रेम गर्नुभयो! हे मेरो परमेश्वर, तपाईं मेरो राजा हुनुहुन्छ। आदेश दिनुहोस् अनि याकूबका मानिसहरूलाई विजयतर्फ अगुवाइ गर्नुहोस्। मेरो परमेश्वर, तपाईंको सहायताले गर्दा हामी आफ्ना शत्रुहरूलाई पछि धकेल्ने छौं। तपाईंको नाउँमा हामी तिनीहरूलाई कुल्चदै हिंड्ने छौं। म मेरो धनु र तरवारमाथि भरोसा राख्दिनँ। मेरो तरवारले मलाई बचाउन सक्दैन। हे परमेश्वर, तपाईंले हामीलाई मिश्रबाट बचाउनु भयो। तपाईंले हाम्रा शत्रुहरूलाई लज्जित बनाएर राख्नु भयो। हामीले दिनभरि नै परमेश्वरको स्तुति-गान गाएका छौं। अनि तपाईंको नाउँको प्रशंसा सदा-सर्वदा गर्नेछौं!
भजनसंग्रह 44:3-8 सरल नेपाली पवित्र बाइबल (सरल नेपाली)
तपाईंका प्रजाले आफ्नो तरवारले देश जितेनन्, आफ्नै शक्तिले तिनीहरूले जितेनन्। तपाईंका बल र सामर्थ्यले र तपाईं तिनीहरूसँग हुनुहुन्छ भन्ने ज्ञानको निश्चयताद्वारा तिनीहरूले जितेका हुन्, किनकि तपाईंले तिनीहरूलाई प्रेम गर्नुहुन्थ्यो। तपाईं मेरा राजा र मेरा परमेश्वर हुनुहुन्छ, आफ्ना प्रजालाई तपाईं विजय दिनुहुन्छ र तपाईंको सामर्थ्यले हामीले आफ्ना शत्रुहरूलाई हराएका छौं। आफ्नो बचाउको लागि म आफ्ना तरवार र धनु, काँडमा भरोसा राख्दिनँ। तर तपाईंले हामीलाई हाम्रा शत्रुहरूदेखि बचाउनुभयो र हामीलाई घृणा गर्नेहरूलाई हराउनुभयो। हामी सदासर्वदा तपाईंको प्रशंसा गर्नेछौं र तपाईंलाई सधैँ धन्यवाद चढाउँछौं।