भजनसंग्रह 38:15-22
भजनसंग्रह 38:15-22 नेपाली नयाँ संशोधित संस्करण (NNRV)
हे परमप्रभु, म तपाईंको प्रतीक्षा गर्छु, हे परमप्रभु मेरा परमेश्वर, तपाईंले जवाफ दिनुहुनेछ। किनकि मैले भनें, “तिनीहरूले मेरो उपहास गर्न नपाऊन्, मेरो गोडा चिप्लँदा तिनीहरूले घमण्ड गर्न नपाऊन्।” किनकि म त ढल्नै लागेको छु, र मेरो पीडा सधैँ मसँगै छ। म मेरो अधर्म स्वीकार गर्दछु, मेरो पापको निम्ति म दु:खित छु। धेरै मेरा शत्रुहरू छन् जो शक्तिशाली छन्, विनाकारण मलाई घृणा गर्नेहरू धेरै छन्। भलाइको साटो मलाई खराबी गर्नेहरूले, मचाहिँ भलाइको पछि लाग्दा मेरो निन्दा गर्छन्। हे परमप्रभु, मलाई नत्याग्नुहोस्। हे मेरा परमेश्वर, मबाट टाढ़ा नहुनुहोस्। हे परमप्रभु मेरा उद्धारक, मलाई सहायता गर्न चाँड़ै आउनुहोस्।
भजनसंग्रह 38:15-22 नेपाली नयाँ संशोधित संस्करण (NNRV)
हे परमप्रभु, म तपाईंको प्रतीक्षा गर्छु, हे परमप्रभु मेरा परमेश्वर, तपाईंले जवाफ दिनुहुनेछ। किनकि मैले भनें, “तिनीहरूले मेरो उपहास गर्न नपाऊन्, मेरो गोडा चिप्लँदा तिनीहरूले घमण्ड गर्न नपाऊन्।” किनकि म त ढल्नै लागेको छु, र मेरो पीडा सधैँ मसँगै छ। म मेरो अधर्म स्वीकार गर्दछु, मेरो पापको निम्ति म दु:खित छु। धेरै मेरा शत्रुहरू छन् जो शक्तिशाली छन्, विनाकारण मलाई घृणा गर्नेहरू धेरै छन्। भलाइको साटो मलाई खराबी गर्नेहरूले, मचाहिँ भलाइको पछि लाग्दा मेरो निन्दा गर्छन्। हे परमप्रभु, मलाई नत्याग्नुहोस्। हे मेरा परमेश्वर, मबाट टाढ़ा नहुनुहोस्। हे परमप्रभु मेरा उद्धारक, मलाई सहायता गर्न चाँड़ै आउनुहोस्।
भजनसंग्रह 38:15-22 पवित्र बाइबल, नेपाली समकालीन संस्करण (NCV)
हे याहवेह, म तपाईंकै प्रतीक्षा गर्दछु; हे प्रभु, मेरा परमेश्वर, तपाईंले जवाफ दिनुहुनेछ। किनकि मैले भनेँ, “तिनीहरूले मेरो उपहास गर्न नपाऊन्, वा मेरो गोडा चिप्लँदा तिनीहरूले घमण्ड गर्न नपाऊन्।” किनकि म त ढल्नै लागेको छु; र मेरो पीडा सधैँ मसँग छ। मेरो अधर्म म स्वीकार गर्दछु; मेरो पापको कारण म दुःखित छु। कारणविना मेरा शत्रुहरू धेरै भएका छन्; कारणविना मलाई घृणा गर्नेहरू धेरै छन्। मेरो भलाइको साटो खराबी गर्दछन्, मैले तिनीहरूको केवल भलाइ गर्न खोज्दा पनि मेरो विरुद्धमा दोष लगाउँछन्। हे याहवेह, मलाई नत्याग्नुहोस्; हे मेरा परमेश्वर, मबाट टाढा नहुनुहोस्! हे प्रभु, मेरा मुक्तिदाता, मलाई सहायता गर्न चाँडै आउनुहोस्!
भजनसंग्रह 38:15-22 पवित्र बाइबल (NERV)
किनभने हे परमप्रभु, आफ्नो रक्षाको निम्ति म तपाईंलाई पर्खिरहेको छु। हे परमेश्वर, मेरो स्वामी तपाईंले मलाई जवाफ दिनु हुनेछ। यदि मैले केही कुरा गरें भने शत्रुहरूले मलाई खिसी गर्छन्। तिनीहरूले बिमारी अवस्था देख्नेछन् कि म बिमारी छु अनि भन्नेछन् कि मेरो बिमार मेरै दुष्टकर्मको सजाय हो। म जान्दछु गल्ती कार्यहरू गरेकोले म दोषी छु। म मेरो पीडा बिर्सिन सक्तिनँ। हे परमप्रभु, मैले आफ्ना कुकार्यहरूको विषयमा तपाईंलाई भने। म आफ्नो पापहरूको विषयमा दुःखी छु। मेरा शत्रुहरू जिउँदा र स्वस्थ छन्, अनि तिनीहरूले धेरै-धेरै झूटा कुराहरू भने। मेरा शत्रुहरूले मतर्फ कुकार्यहरू गरे अनि मैले तिनीहरूको निम्ति खाली सुकार्य गरें। मैले सुकार्य गर्ने प्रयास मात्र गरें, तर तिनीहरू मेरो विरूद्धमा नैं उठे। हे परमप्रभु, मलाई नत्याग्नु होस्। हे मेरो परमेश्वर, मेरो हितैषी भएर बस्नुहोस्! चाँडै आउनुहोस् र मलाई सहयोग गर्नु होस्! हे मेरो परमेश्वर, मेरो रक्षा गर्नुहोस्!
भजनसंग्रह 38:15-22 सरल नेपाली पवित्र बाइबल (सरल नेपाली)
तर हे परमप्रभु! म तपाईंमा भरोसा राख्दछु। अनि प्रभु! मेरो परमेश्वर! तपाईंले मलाई उत्तर दिनुहोस्। मेरा शत्रुहरूलाई मेरा सङ्कष्टमा रमाउन नदिनुहोस्! म लडेको छु भनी तिनीहरू घमण्डले फुलिन नपाऊन्! मलाई एकोहोरो पीडा भइरहेको छ, म ढल्न आँटेको छु। म मेरा पापहरू मानिलिंदछु, तिनले गर्दा म चिन्ताले भरिएको छु। मेरा शत्रुहरू हट्टा-कट्टा र बलिया छन्, बिनाकारण मलाई घृणा गर्नेहरू धेरै छन्। जसले भलाइका सट्टामा खराबी गर्छन्, तिनीहरू मेरो विरुद्धमा छन् किनभने जे उचित छ, त्यो म गर्ने चेष्टा गर्छु। हे परमप्रभु, मलाई नछोड्नुहोस्! हे मेरा परमेश्वर, मदेखि टाढा नहुनुहोस्! प्रभु, मेरा उद्धारक! अहिले मलाई सहायता गर्नुहोस्!