مَرْكُسْ 7
7
أَلْعَادَرْ شُوغَبَنِّ
﴿مَتْ 15.1-9﴾
1ڢَرِسِيَاوَا دَ وَطَنْسُ مَلَمً كُواْيَرْوَرْ مُوسَٰى دَغَ عُرُوشَلِيمَ سُكَذُواْ سُكَ تَارُ وُرِنْ عِيسَىٰ؞ 2سَيْ سُكَ لُورَ وَطَنْسُ أَلْمَجِرَنْسَ سُنَ ثِنْ عَبِنْثِ دَ حَنُّوَ مَرَسَ ڟَبْتَ، وَتُواْ بَسُوَنْكٜىٰ حَنُّ بِسَغَ أَلْعَٰدَبَ؞
3غَاشِ ڢَرِسِيَاوَا حَرْ دَ سَوْرَنْ يَهُودَاوَا بَاسَثِنْ عَبِنْثِ سَيْ سُنْ وَنْكٜىٰ حَنُّ سَرَيْ تُكُنَ، بِسَغَ أَلْعَادُنْ دَتَّاوَا؞ 4إِنْ سُكَ كُواْمُواْ دَغَ كَاسُوَ كُوَ، بَاسَثِنْ عَبِنْثِ سَيْ سُنْيِ وَنْكَ تُكُنَ؞ أَݣَويْ كُمَ وَطَنْسُ أَلْعَادُ دَيَوَ دَ سُكَ غَادَ، سُكٜىٰ كِيَايٜىٰوَا، كَمَرْ وَنْكٜىٰ وَنْكٜىٰنْ ݣُوڢُنَ دَ تُݣُونٜىٰ دَ تُلُنَنْ تَغُلَّ؞#7.4 تُلُنَنْ تَغُلَّ: وَطَنْسُ كُواْڢٜىٰ نَرُبُوثٜىٰ رُبُوثٜىٰنْ حَنُّ نَدَا سُنْ ڧَارَ «حَرْ دَ تَبَرْمَ»؞
5سَيْ ڢَرِسِيَاوَا دَ مَلَمً كُواْيَرْوَرْ مُوسَٰى سُكَ تَمْبَيِ عِيسَىٰ «دُوانْمٜىٰ أَلْمَجِرَنْكَ بَاسَ بِنْ أَلْعَادُنْ دَتَّاوَا عَمَّا سُنَ ثِنْ عَبِنْثِ دَ حَنُّوَ مَرَسَ ڟَبْتَ؟»
6سَيْ يَأَمْسَ يَثٜىٰ «دَيْدَيْ نٜىٰ عِشَايَ يَيِ أَنَّبْثِ عَكَنْكُ مُنَاڢُكَيْ! كَمَرْ يَدَّ يَكٜىٰ أَرُبُوثٜىٰ ثٜىٰوَ
« ‹مُتَنٜىٰنَّنْ ڢَا،
دَ بَاكِنْسُ نٜىٰ كَوَيْ سُكٜىٰ غِرْمَمَ نِے،
عَمَّا ظُكَاتَنْسُ سُنْيِ نٜىٰسَ دَنِے؞
7عَبَنْظَ سُكٜىٰيِ مِنِ سُجَّدَ؞
سُنَ كُواْيَرْ دَ دُواْكُواْكِنْ مُتَنٜىٰ،
أَمَڟَيِنْ كَلْمَرْ اللَّهْ؞› »#عِشـ 29.13
8«كُنْ بَرْ أَبِنْدَ اللَّهْ يَثٜىٰ عَيِ، كُنَ بِنْ أَلْعَادُنْ مُتَنٜىٰ؞»
9سَيْ يَثٜىٰ مُسُ «لَلَّيْ كَمْ كُنْ عِيَ بَرِنْ عُمَرْنِنْ اللَّهْ دُواْمِنْ كُبِے أَلْعَادُنْكُ! 10غَمَا مُوسَٰى يَثٜىٰ، ‹كَغِرْمَمَ بَابَنْكَ دَ مَامَرْكَ،› كُمَ، ‹وَنْدَ يَذَاغِ بَابَنْسَ كُواْ مَامَرْسَ دُواْلٜىٰنٜىٰ عَكَشٜىٰشِ؞›#ڢِتْ 20.12؛ 21.17؛ لِـ ڢِرْ 20.9؛ مَيْ شَـ 5.16 11عَمَّا كُكَنْ بَرْ مُتُمْ يَڨَلٜىٰ إِيَايٜىٰنْسَ أَ لُواْكَثِنْ دَسُكٜىٰ دَ بُڧَاتَ، يَثٜىٰ، ‹دُكْ أَبِنْدَ دَا ذَاكُ سَامُ أَوُرِينَ نَارِغَا نَا كٜىٰٻٜىٰ وَ اللَّهْ كُواْ؞› 12تَهَكَ كُكَ حَنَ شِ يَتَيْمَكِ بَابَنْسَ كُواْ مَامَرْسَ؞ 13تَهَكَ كُنَ مَيْدَ كَلْمَرْ اللَّهْ وُاْڢِ سَبُواْدَ أَلْعَادُنْ دَ كُكٜىٰكُواْيَ وَيَارَنْكُ؞ حَكَكُمَ كُكٜىٰيِنْ أَبُبُوَ دَيَوَ؞»
أَبِنْ دَ ذَيْ سَا مُتُمْ يَڧَظَنْتُ أَغَبَنْ اللَّهْ
﴿مَتْ 15.10-20﴾
14سَيْ عِيسَىٰ يَسَاكٜىٰ كِرَنْ جَمَعَ، يَثٜىٰ مُسُ «كُسَوْرَرَتَ دُكَنْكُ، كُكُمَ غَانٜىٰ دَݣَوْ؞ 15أَبِنْ دَيَكٜىٰ شِغَ ثِكِنْ مُتُمْ دَغَ وَجٜىٰ بَ شِينٜىٰ يَكٜىٰ ڧَظَنْتَرْدَ مُتُمْ أَغَبَنْ اللَّهْ بَ، أَبِنْدَ يَكٜىٰ ڢِتُواْوَ دَغَ ثِكِنْ مُتُمْ، شِينٜىٰ يَكٜىٰ ڧَظَنْتَرْدَ مُتُمْ أَغَبَنْ اللَّهْ؞ 16دُكْ مَيْكُنّٜىٰنْجِ، بَرِ يَجِ؞»#7.16 وَطَنْسُ رُبُوثٜىٰ رُبُوثٜىٰ نَدَا بَاسُدَ وَنَّنْ أَيَ؞
17سَعَدَّ يَرَبُ دَ تَارُوانْ يَشِغَ غِدَا، أَلْمَجِرَنْسَ سُكَ تَمْبَيٜىٰشِ مَعَنَرْ وَنَّنْ كُواْيَرْوَا؞ 18يَأَمْسَ يَثٜىٰ «أَشٜىٰ، كُو مَا بَكُ غَانٜىٰبَ؟ بَكُ غَانٜىٰ ثٜىٰوَ دُكْ أَبِنْدَ يَشِغَ ثِكِنْ مُتُمْ دَغَ وَجٜىٰ بَايَ عِيَ ڧَظَنْتَرْدَ مُتُمْ أَغَبَنْ اللَّهْ، 19غَمَا بَثِكِنْ ذُوثِيَارْسَ يَكٜىٰ شِغَبَ، عَمَّا ثِكِنْ ثِكِنْسَ نٜىٰ، سَعَنً يَكُمَ ڢِتَ دَغَ جِكِنْسَ؟» أَوَنَّنْ مَغَنَرْ عِيسَىٰ يَنُونَ ثٜىٰوَ كُواْوَنٜىٰ إِرِنْ عَبِنْثِ مَرَرْ ڧَظَنْتَنٜىٰ؞
20يَثِيغَبَدَ ثٜىٰوَ «أَبِنْ دَيَكٜىٰ ڢِتُواْوَ دَغَ ثِكِنْ مُتُمْ، شِينٜىٰ يَكٜىٰ ڧَظَنْتَرْدَ مُتُمْ؞ 21دُوانْ دَغَ ثِكِنْ ذُوثِيَارْ مُتُمْ نٜىٰ مُوغَيٜىٰنْ تُنَانِ سُكٜىٰ ڢِتُواْوَ، كَمَرْ سُو لَلَتَ دَ سَاتَادَ كِسَنْ كَيْ دَ ظِنَ، 22دَ ݣُوطَيِ دَ مُغُنْتَادَ رُوطُ دَ حَلِنْ نٜىٰمَنْ جِنْ دَاطِے نَرَشِنْ كُنْيَا دَ كِيشِ دَ ٻَاتَ سُونَ دَ غِرْمَنْ كَيْ دَ كُمَ وَوَنْثِ؞ 23دُكْ وَطَنَّنْ مُوغَيٜىٰنْ أَبُبُوَ دَغَ ثِكِنْ ذُوثِيَا سُكٜىٰ ڢِتُواْوَ، سُنَ كُوَ ڧَظَنْتَرْدَ مُتُمْ؞»
بَنْغَسْكِيَرْ وَتَ مَثٜىٰ
﴿مَتْ 15.21-28﴾
24دَغَ نَنْ سَيْ عِيسَىٰ يَتَاشِ يَتَڢِے يَنْكِنْ تَيَ دَ سِدُوانْ؞ يَشِغَ وَنِ غِدَا، بَيْكُوَسُواْ كُواْوَ يَسَنِبَ؞ عَمَّا دُكْدَهَكَ ٻُواْيٜىٰوَرْسَ بَيْيِوُبَ؞ 25نَنْ دَ نَنْ سَيْ وَتَ مَثٜىٰ وَدَّ یَرْتَ ڧَرَمَ تَكٜىٰدَ ڧَظَامِنْ رُوحُ تَجِ لَابَرِنْسَ؞ تَا ذُواْ تَاڢَاطِ أَغَبَنْسَ؞ 26مَاتَرْ كُوَ بَهٜىٰلٜىٰنِيَ ثٜىٰ؞ عَيَنْكِنْ ڢِنِكِيَ عَكَ حَيْڢٜىٰتَ، عَثِكِنْ ڧَسَرْ سُورِيَ؞ سَيْ تَاضُواْڧِ عِيسَىٰ يَڢِتَرْ وَ یَرْتَ أَلْجَنِنْ؞ 27عِيسَىٰ يَثٜىٰمَتَ «بَرِ یَیَ سُثِ سُڧُواْشِ تُكُنَ، بَ دَيْدَيْ بَنٜىٰ عَكْوَاشِ عَبِنْثِنْسُ عَبَا كَرْنُكَ؞»#7.27 كَرْنُكَ: دُكْ وَنْدَ بَ بَيَهُودٜىٰ بَ يَهُودَاوَا سُكَنْ طَوْكٜىٰشِ كَمَرْ كَرٜىٰ؞
28عَمَّا مَاتَرْ تَأَمْسَ تَثٜىٰ «عِ، حَكَنٜىٰ، مَلَمْ، عَمَّا أَيْ، كَرْنُكَ سُكَنْثِ أَبِنْدَ يَكٜىٰ ڢَاطُوَ دَغَ تٜىٰبُرِنْ يَارَا؞»
29سَيْ يَثٜىٰمَتَ «سَبُواْدَ وَنَّنْ أَمْسَ دَ كِكَ بَايَرْ، كِتَڢِے غِدَا، أَلْجَنِنْ يَرَبُ دَ یَرْكِ؞»
30سَيْ تَكُواْمَ غِدَا تَغَ یَرْتَ عَݣُونْثٜىٰ أَغَدُواْ، أَلْجَنِنْ كُوَ يَرَبُ دَ عِتَ؞
عِيسَىٰ يَا وَرْكَرْ دَ بٜىٰبٜىٰ
31سَيْ عِيسَىٰ يَڢِتَ دَغَ يَنْكِنْ تَيَ، يَبِے تَ سِدُوانْ يَجٜىٰ تٜىٰكُنْ غَلِيلِ؞ أَ حَنْيَ، يَذُواْ يَنْكِنْ غَرُرُوَ غُواْمَ؞ 32عَثَنْ عَكَ كَٰوُاْ مَسَ وَنِ كُرْمَ، وَنْدَ دَݣَرْ يَكَنْيِ مَغَنَ؞ سُكَ ضُواْڧٜىٰشِ يَتَٻَ مُتُمِنْ دُواْمِنْ يَوَرْكَرْ دَشِ؞ 33عِيسَىٰ يَجَا كُرْمَنْ غٜىٰڢٜىٰ عِنْدَ بَا كُواْوَ، سَيْ يَسَا يَڟُنْسَ عَكُنُّوَنْسَ، يَتُواْڢَ مِيَنْ، يَكُمَ تَٻَ هَرْشٜىٰنْسَ دَ مِيَونْ؞ 34سَعَنً يَطَغَ كَيْ سَمَ يَيِ نُمْڢَشِ مَيْ ظُرْڢِ، يَثٜىٰ مَسَ «إِڢَّتَ!» وَتُواْ «بُوطٜىٰ!»
35دَ ڢَطِنْ حَكَ سَيْ كُنُّوَنْ مُتُمِنْ سُكَ بُوطُ، أَبِنْدَ يَطَوْرٜىٰ هَرْشٜىٰنْسَ كُمَ يَكُنْثٜىٰ، سَيْ يَڢَارَ مَغَنَ دَݣَوْ؞ 36عِيسَىٰ يَجَا مُسُ كُنّٜىٰ كَدَ سُڢَطَا وَكُواْوَ، عَمَّا دَ يَنَ هَنَاسُ، سُو كُمَ سُنَ ڧَارَ بَظَ لَابَرِنْ؞ 37مُتَنٜىٰ سُكَ ثِكَ دَ مَامَاكِ، سُكَثٜىٰ «كَيْ، يَايِ كُواْمٜىٰ دَݣَوْ! حَرْ مَا يَسَا وَطَنْدَ دَا سُكٜىٰ كُرْمَ سُنَ جِنْ مَغَنَ، وَطَنْدَ دَا سُكٜىٰ بٜىٰبٜىٰ كُمَ سُنَيِنْ مَغَنَ؞»
अहिले सेलेक्ट गरिएको:
مَرْكُسْ 7: hauAS
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Hausa Common Language Ajami Bible © The Bible Society of Nigeria, 2020
