مَرْكُسْ 8
8
عِيسَىٰ يَثِيَرْ دَ مُتُمْ دُبُو حُطُ
﴿مَتْ 15.32-39﴾
1عَݣُونَكِنْنَنْ، سَيْ تَارُواْ مَيْ يَوَنْ غَسْكٜىٰ يَسَاكٜىٰ حَطُوَ؞ تُنْدَ بَاسُدَ أَبِنْدَ ذَاسُثِ، عِيسَىٰ يَكِرَا أَلْمَجِرَنْسَ وُرِنْسَ يَثٜىٰ مُسُ، 2«إِنَ جِنْ تَوْسَيِنْ جَمَعَرْ نَنْ، دُوانْ يَوْ ݣُونَ عُكُ كٜىٰنَنْ سُنَ تَرٜىٰدَنِ، كُمَ بَاسُدَ عَبِنْثِ؞ 3إِنْ كُوَ نَسَلَّمٜىٰسُ سُتَڢِے غِدَا دَ يُنْوَ حَكَ، أَيْ، ذَاسُ كَاسَ أَ حَنْيَ؞ غَاشِ كُوَ، وَطَنْسُنْسُ سُنْ ذُواْ دَغَ نٜىٰسَ؞»
4أَلْمَجِرَنْسَ سُكَ أَمْسَ، سُكَثٜىٰ «أَ دَاجِ حَكَ، إِنَا ذَاعَ سَامِ عَبِنْثِنْ دَ ذَيْ عِيَ ثِيَرْدَ مُتَنٜىٰنَّنْ؟»
5 عِيسَىٰ يَتَمْبَيٜىٰسُ ثٜىٰوَ «غُرَاسَ نَوَنٜىٰ كُكٜىٰ دَسُو؟» سُكَثٜىٰ «بَݣَويْ؞»
6سَيْ يَسَا تَارُوانْ مُتَنٜىٰ سُذَوْنَ عَڧَسَا؞ دَيَطَوْكِ غُرَاسَرْنَنْ بَݣَويْ، يَيِ غُواْدِيَ غَ اللَّهْ، يَرَرَّبَ، يَيِ تَبَا أَلْمَجِرَنْسَ دُواْمِنْ سُبَا مُتَنٜىٰنْ، سُكَ كُوَ رَرَّبَ مُسُ؞ 7سُنَ كُمَ دَ ڧأَنَانً كِيڢَيٜىٰ كَطَنْ؞ يَيِ غُواْدِيَ دُواْمِنْسُ كُمَ، يَثٜىٰ سُو مَا أَرَبَ وَتَارُوانْ؞ 8مُتَنٜىٰنْ سُكَثِ، سُكَ ڧُواْشِ، حَرْ سُكَ طَوْكِ ضَغُواْوَرْ ثِكٜىٰ دَ ݣُونْدُنَ بَݣَويْ؞ 9يَوَنْ وَطَنْدَ سُكَثِ كُوَ سُنْ كَيْ وَجٜىٰنْ دُبُو حُطُ؞ سَيْ يَسَلَّمٜىٰسُ؞ 10نَنْ دَ نَنْ كُوَ يَشِغَ جِضْغٍ ضُوَ دَ أَلْمَجِرَنْسَ، يَتَڢِے يَنْكِنْ دَلْمَنُتَ؞
نٜىٰمَنْ عَلَمَ
﴿مَتْ 12.38-42؛ 16.1-4؛ لُكْ 12.54-56﴾
11ڢَرِسِيَاوَا سُكَذُواْ سُكَ ڢَارَ غَرْدَمَ دَشِ؞ سُنْ سُواْ سُڠُودَ عِيسَىٰ، سَيْ سُكَ ضُواْڧٜىٰشِ يَنُونَ مُسُ وَتَ بَبَّرْ عَلَمَرْ دَ ذَاتَ بَيَّنَ إِيكُوانْسَ؞#مَتْ 12.38؛ لُكْ 11.16 12سَيْ يَيِ نُمْڢَشِ مَيْ ظُرْڢِ، يَثٜىٰ «دُوانْمٜىٰ كُو مُتَنٜىٰنْ زَامَانِنَّنْ كُكٜىٰ نٜىٰمَنْ غَنِنْ عَلَمَ؟ حَڧِيڧَ إِنَ غَيَ مُكُ، بَا وَتَ عَلَمَرْ دَ ذَاعَ نُونَاوَ مُتَنٜىٰنْ وَنَّنْ زَامَانِ؞»#مَتْ 12.39؛ لُكْ 11.29 13سَعَنً يَبَرْسُ، يَشِغَ جِضْغٍ ضُوَ، يَڧٜىٰتَرٜىٰ ذُوَا وَنْثَنْ هَيِنْ؞
يِسْتِنْ ڢَرِسِيَاوَا دَ هِرُدُسْ
﴿مَتْ 16.5-12﴾
14أَلْمَجِرَنْ عِيسَىٰ سُنْ مَنْتَ بَسُ كَٰوُاْ غُرَاسَبَ، سَيْ غُدَا طَيَ كَوَيْ وَنْدَ سُكٜىٰ دَشِ أَجِضْغٍ ضُوً؞ 15عِيسَىٰ يَجَا مُسُ كُنّٜىٰ، يَثٜىٰ «كُكُلَ ڢَا، كُمَ كُيِ حَنْكَلِ دَ يِسْتِنْ ڢَرِسِيَاوَا دَ نَ هِرُدُسْ؞»#8.15 يِسْتِنْ: يِسْتِ أَبُ نٜىٰ وَنْدَ عَكٜىٰ سَا أَغَارِنْ دَ عَكٜىٰيِنْ غُرَاسَ دَشِ دُواْمِنْ غُرَاسَرْ يَكُمْبُرَ؞#لُكْ 12.1
16سَيْ أَلْمَجِرَنْ سُكَ ڢَارَ تَطِ دَ جُونَ سُنَ ثٜىٰوَ «كُواْ سَبُواْدَ بَامُ دَ غُرَاسَ نٜىٰ يَڢَطِ حَكَ؟»
17دَ يَغَانٜىٰ مَغَنَرْ دَسُكٜىٰيِ، سَيْ عِيسَىٰ يَتَمْبَيٜىٰسُ «مٜىٰيَسَا كُكٜىٰ مَغَنَ عَكَنْ بَاكُ دَ غُرَاسَ؟ أَشٜىٰ، حَرْ يَنْذُ بَكُ غَانٜىٰبَ؟ بَكُ كُمَ ڢَهِمْتَبَ؟ ذُوثِيَارْكُ عَتَوْرَرٜىٰ تَكٜىٰ؟ 18كُنَدَ إِدَانُو، بَكُ غَنِبَ؟ كُنَدَ كُنُّوَ، بَكُجِبَ؟ بَكُ تُنَ بَنٜىٰ؟#إِرْمِ 5.21؛ هِظْ 12.2؛ مَرْ 4.12 19أَ لُواْكَثِنْدَ نَكَكَّرْيَ وَمُتُمْ دُبُو بِيَرْ غُرَاسَرْنَنْ بِيَرْ ڢَا؟ ݣُونْدُنَ نَوَ كُكَ طَوْكَ ثِكٜىٰ دَ أَبِنْدَ يَرَغُ؟»
سُكَ أَمْسَ ثٜىٰوَ «شَا بِيُ؞»
20«تُواْ، غُرَاسَ بَݣَويْ طِنَّنْ دَ نَكَكَّرْيَ وَمُتُمْ دُبُو حُطُ ڢَا؟ مَنْيَنْ ݣُونْدُنَ نَوَ كُكَ تَتَّارَ ثِكٜىٰ دَ غُڟَڟَّرِنْ؟»
سُكَثٜىٰ مَسَ «بَݣَويْ؞»
21سَيْ عِيسَىٰ يَثٜىٰ مُسُ «تُواْ، حَرْ يَنْذُ بَكُ غَانٜىٰ مَغَنَاتَبَ؟»
عِيسَىٰ يَوَرْكَرْ دَ مَكَهُواْ أَ بٜىٰڟَيْدَ
22سُكَ ذُواْ بٜىٰڟَيْدَ، سَيْ عَكَ كَٰوُاْوَ عِيسَىٰ وَنِ مَكَهُواْ، عَكَ ضُواْڧٜىٰشِ يَتَٻَ مَكَهُوانْ؞ 23يَكَامَ حَنُّنْ مَكَهُوانْ، يَكَيْشِ بَايَنْ غَرِ؞ دَيَتُواْڢَ مِيَوْ أَعِدَانُنْ مُتُمِنْ، يَتَٻَشِ دُواْمِنْ يَوَرْكَرْ دَشِ؞ سَيْ يَتَمْبَيٜىٰشِ يَثٜىٰ «كَنَ عِيَ غَنِنْ وَنِ أَبُ؟»
24سَيْ مَكَهُوانْ يَطَغَ كَيْ، يَثٜىٰ «إِنَ غَنِنْ مُتَنٜىٰ كَمْ، عَمَّا كَمَرْ عِتَتُوَ نَكٜىٰ غَنِنْسُ، سُنَ يَٰوُاْ؞»
25سَيْ عِيسَىٰ يَسَاكٜىٰ تَٻَ إِدَانُنْ مُتُمِنْ؞ مُتُمِنْ يَظُبَ عِدُواْ، عِدَنُونْسَ كُوَ سُكَ وَرْكٜىٰ، سَيْ يَغَ كُواْمٜىٰ سَرَيْ؞ 26عِيسَىٰ يَسَلَّمٜىٰشِ يَتَڢِے غِدَا، يَثٜىٰ مَسَ «كَدَ كَكُواْمَ تَثِكِنْ غَرِ، كُواْ كَبِے تَثِكِنْ ڧَوْيٜىٰنْ؞»
بِتْرُسْ يَشَيْدَ عِيسَىٰ شِينٜىٰ أَلْمَسِيحُ
﴿مَتْ 16.13-20؛ لُكْ 9.18-21﴾
27 عِيسَىٰ دَ أَلْمَجِرَنْسَ سُكَ تَڢِے، سُكَ شِغَ ڧَوْيُكَنْ كَيْسَرِيَ ڢِلِبِے؞ أَ حَنْيَ كُوَ يَتَمْبَيِ أَلْمَجِرَنْسَ يَثٜىٰ «بِسَغَ ڢَطِنْ مُتَنٜىٰ، نِے وَنٜىٰنٜىٰ؟»
28سُكَ أَمْسَ سُكَثٜىٰ «وَطَنْسُ سُنْ ثٜىٰ كَيْ يَحْيَى مَيْ بَڢْتِسْمَ نٜىٰ، وَطَنْسُ كُوَ سُنَ ثٜىٰوَ كَيْنٜىٰ أَنَّبِے إِلْيَاسُ، وَطَنْسُ كُوَ سُنْ ثٜىٰ كَيْ وَنِ نٜىٰ دَغَ ثِكِنْ سَوْرَنْ أَنَّبَاوَا؞»#مَرْ 6.14-15؛ لُكْ 9.7-8
29سَيْ يَتَمْبَيٜىٰسُ «عَمَّا كُو ڢَا، وَنٜىٰنٜىٰنِے أَغَنِنْكُ؟» سَيْ بِتْرُسْ يَأَمْسَ يَثٜىٰ «كَيْ نٜىٰ أَلْمَسِيحُ؞»#يَحـ 6.68-69 30عِيسَىٰ يَجَا مُسُ كُنّٜىٰ كَدَ سُغَيَ وَكُواْوَ لَابَرِنْسَ؞
عِيسَىٰ يَڢَطِ إِرِنْ مُتُوَرْ دَ ذَيْ يِ
﴿مَتْ 16.21-28؛ لُكْ 9.22-27﴾
31أَ لُواْكَثِنَّنْ، عِيسَىٰ يَڢَارَ كُواْيَ مُسُ يَدَّ طَنْ مُتُمْ ذَيْ شَا وُيَ إِرِ إِرِ؞ شُوغَبَنِّنْ جَمَعَ دَ مَنْيَنْ ڢِرِسْتُواْثِے دَ مَلَمً كُواْيَرْوَرْ مُوسَٰى ذَاسُڧِيشِ، حَرْ عَكَشٜىٰشِ، بَايَنْ ݣُونَ عُكُ كُمَ ذَيْ تَاشِ دَ رَيْ؞ 32يَڢَطِ وَنَّنْ مَغَنَ أَ سَرَرِ؞
سَيْ بِتْرُسْ يَجَاشِ غٜىٰڢٜىٰ طَيَ، يَڢَارَ ڟَاوَتَا مَسَ؞
33عَمَّا عِيسَىٰ يَجُويَ يَدُوبِے سَوْرَنْ أَلْمَجِرَنْ، يَڟَاوَتَاوَ بِتْرُسْ يَثٜىٰ «كَرَبُ دَنِے، كَيْ شَيْطَنْ! كَنَ تُنَانِ كَمَرْ مُتُمْ نٜىٰ، بَكَمَرْ اللَّهْ بَ؞»
34سَعَنً يَكِرَا مُتَنٜىٰنْ كُسَ، تَرٜىٰدَ أَلْمَجِرَنْسَ، يَثٜىٰ مُسُ «دُكْ مَيْ سُواْ يَبِے نِے، سَيْ يَڧِ كَنْسَ، يَطَوْكِ غِثِّيٜىٰنْسَ، يَبِے نِے؞#مَتْ 10.38؛ لُكْ 14.27 35غَمَا دُكْ وَنْدَ يَكٜىٰسُواْ يَثٜىٰثِ رَنْسَ، ذَيْ رَسَشِ؞ عَمَّا دُكْ وَنْدَ يَرَسَ رَنْسَ سَبُواْدَنِ دَ كُمَ سَبُواْدَ لَابَرِ مَيْ دَاطِے، ذَيْثٜىٰثٜىٰشِ؞#مَتْ 10.39؛ لُكْ 17.33؛ يَحـ 12.25 36إِنَا أَمْڢَانِ مُتُمْ يَسَامِ دُكَنْ دُونِيَا عَبَاكِنْ رَنْسَ؟ 37مٜىٰ كُمَ مُتُمْ ذَيْ عِيَ بَايَرْوَ أَمَيْمَكُوانْ رَنْسَ؟ 38دُكْ وَنْدَ يَكٜىٰ جِنْ كُنْيَاتَادَ كُنْيَرْ مَغَنَاتَ أَوَنَّنْ زَامَانِ مَرَرْ أَمِنْثِ دَ كُمَ مَيْ يَوَنْ ذُنُوبِ، طَنْ مُتُمْ مَا ذَيْجِے كُنْيَرْسَ أَ لُواْكَثِنْ دَ ذَيْذُواْ ثِكِنْ طَوْكَكَرْ عُبَنْسَ تَرٜىٰدَ مَلاَىِٕكُ مَاسُ ڟَرْكِے؞»
अहिले सेलेक्ट गरिएको:
مَرْكُسْ 8: hauAS
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Hausa Common Language Ajami Bible © The Bible Society of Nigeria, 2020
