भजनसंग्रह 4

भजन 4

सङ्गीत निर्देशकको निम्ति तारवाद्यको साथ, दावीदको भजन।

1हे मेरा धार्मिक परमेश्‍वर,

मैले पुकार गर्दा मलाई जवाफ दिनुहोस्।

मेरो सङ्कष्‍टबाट मलाई मुक्त गर्नुहोस्;

ममाथि दया गर्नुहोस् र मेरो प्रार्थना सुन्‍नुहोस्।

2हे मानिसहरू हो, तिमीहरू मेरो महिमालाई कहिलेसम्म शर्ममा परिवर्तन गरिरहन्छौ?

तिमीहरू कहिलेसम्म व्यर्थका कुराहरू मन पराउँछौ र असत्यको#4:2 अथवा असत्य देवताहरूको पछि लागिरहन्छौ? सेला

3याद राख: याहवेहले आफ्नो निम्ति विश्‍वासयोग्य सेवकहरू छुट्ट्याउनुभएको छ;

मैले पुकार गर्दा याहवेहले सुन्‍नुहुन्छ।

4रिसमा पर्दा पाप नगर।

जब तिमी ओछ्यानमा पल्टन्छौँ,

आफ्नो हृदयभित्र मनन गर, र शान्त रहो। सेला

5धार्मिकताका बलिदानहरू चढाओ,

र याहवेहमाथि भरोसा राख।

6धेरैले सोध्दछन्, “हामीलाई कसले असल कुरा देखाउन सक्ला?”

हे याहवेह, तपाईंको मुहारको ज्योति हामीमाथि चम्काउनुहोस्!

7तपाईंले तिनीहरूका कटनी र नयाँ दाखमद्यको प्रशस्ततामा हुने, आनन्दभन्दा बढी

आनन्दले मेरो हृदय भरिदिनुभएको छ।

8म शान्तिसँग पल्टिनेछु र निदाउनेछु;

किनकि हे याहवेह, तपाईंले मात्र

मलाई सुरक्षित राख्नुहुन्छ।

अहिले सेलेक्ट गरिएको:

भजनसंग्रह 4: NCV

हाइलाइट

शेयर गर्नुहोस्

कपी गर्नुहोस्

तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्

पवित्र बाइबल, नेपाली समकालीन संस्करण

अनुमतिसहित प्रयोग गरिएको छ।

सम्पूर्ण अधिकार विश्‍वव्यापी रूपमा सुरक्षित रहनेछ।

Holy Bible, Nepali Contemporary Version

बाट लोकप्रिय बाइबल पदहरू
{{chapter}
}