हितोपदेश 4:20-26

हे मेरो छोराछोरी, मेरो कुरामा ध्यान देऊ; मेरा वचनहरू ध्यानसित सुन। ती तिम्रो दृष्‍टिदेखि अलग हुन नदेऊ; ती तिम्रो हृदयभित्र राख, किनकि तिनलाई पाउनेहरूका लागि ती जीवन हुन्, र सारा शरीरको निम्ति स्वास्थ्य हो। यी कुराहरूभन्दा बढी आफ्नो हृदयलाई नै सुरक्षित राख; किनकि यो नै सारा जीवनको मूल हो। तिम्रो मुखबाट भ्रष्‍टता टाढै रहोस्, भ्रष्‍ट कुराकानी तिम्रो ओठदेखि टाढै रहोस्। तिम्रा आँखाले सीधा अगिल्तिर हेरोस्, तिम्रो अगिल्तिर सोझै एक टक लगाएर हेरोस्। तिम्रा खुट्टाहरूका निम्ति समतल मार्ग बनाऊ, र आफ्ना सबै मार्गहरूमा दृढ होऊ!