मत्ती 5:2-10

अनि उहाँले तिनीहरूलाई यसो भन्दै सिकाउनुभयो: उहाँले भन्‍नुभयो: “धन्य आत्मामा दीन हुनेहरू, किनकि स्वर्गको राज्य तिनीहरूकै हो। धन्य शोक गर्नेहरू, किनकि तिनीहरूले सान्त्वना पाउनेछन्। धन्य नम्रहरू, किनकि तिनीहरूले पृथ्वीको अधिकार पाउनेछन्। धन्य धार्मिकताको निम्ति भोकाउने र तिर्खाउनेहरू, किनकि तिनीहरू तृप्‍त हुनेछन्। धन्य दयावान्‌हरू, किनकि तिनीहरूले दया पाउनेछन्। धन्य हृदयमा शुद्ध हुनेहरू, किनकि तिनीहरूले परमेश्‍वरलाई देख्नेछन्। धन्य मेलमिलाप गराउनेहरू, किनकि तिनीहरू परमेश्‍वरका सन्तान कहलाइनेछन्। धन्य धार्मिकताको निम्ति सतावटमा पर्नेहरू, किनकि स्वर्गको राज्य तिनीहरूकै हो।