लूका 9:37-42

भोलिपल्ट, जब उहाँहरू पहाडबाट तल आउनुभयो, एउटा ठूलो भीड उहाँलाई भेट्न आयो। अनि भीडबाट एउटा मानिसले कराएर भन्यो, “गुरुज्यू, मेरो छोरामाथि कृपादृष्‍टि गरिदिनुहोस् भनी म विन्ती गर्दछु, किनकि ऊ मेरो एउटै मात्र सन्तानहो। एउटा आत्माले उसलाई पक्रन्छ, र ऊ अचानक चिच्याउँछ; त्यस आत्माले उसलाई ऐंठन पार्छ, र उसले मुखबाट फिँज काढ्छ। त्यसले उसलाई मुस्किलले कहिलेकाँही मात्र छोड्छ र त्यसले उसलाई नाश गर्दैछ। त्यसलाई निकालिदिनका लागि मैले तपाईंका चेलाहरूलाई विन्ती गरें, तर तिनीहरूले सकेनन्।” येशूले जवाफ दिनुभयो, “ए अविश्‍वासी र भ्रष्‍ट पुस्ता, म कहिलेसम्म तिमीहरूका साथमा रहूँला र तिमीहरूलाई सहूँ? अनि येशूले त्यो केटोको बुबालाई भन्‍नुभयो, तिम्रो छोरालाई यहाँ ल्याऊ।” त्यो केटो आउँदा-आउँदै भूत आत्माले उसलाई ऐंठन पार्दै भुइँमा पछार्‍यो। तर येशूले त्यस अशुद्ध आत्मालाई हप्काउनुभयो, केटोलाई निको पार्नुभयो, अनि त्यसलाई बुबाको हातमा दिनुभयो।