हिब्रूहरू 1
1
परमेश्वरको आखिरी प्रकाश: उहाँको पुत्र
1बितेका समयमा परमेश्वर हाम्रा पुर्खाहरूसँग अलि-अलि गर्दै विभिन्न प्रकारले अगमवक्ताहरूद्वारा बोल्नुभयो, 2तर यी अन्तिम दिनहरूमा चाहिँ उहाँ आफ्नो पुत्रद्वारा हामीसँग बोल्नुभएको छ, जसलाई उहाँले सबै कुराहरूको उत्तराधिकारी बनाउनुभयो, र जसद्वारा उहाँले समस्त विश्वलाई बनाउनुभयो। 3पुत्रचाहिँ परमेश्वरको महिमाको चमक अनि उहाँ परमेश्वर स्वयम्कै दुरुस्त प्रतिरूप हुनुहुन्छ, जसले आफ्नो शक्तिशाली वचनद्वारा सबै थोकहरू सम्हाल्नुहुन्छ। उहाँले पापहरूको लागि शुद्धीकरणको प्रबन्ध मिलाउनुभएपछि उहाँ स्वर्गमा महामहिमको दाहिने हातपट्टि#1:3 यसको अर्थ आदर र शक्तिको स्थान हुन्छ। विराजमान हुनुभयो। 4यसकारण उहाँ स्वर्गदूतभन्दा उच्च हुनुभएकोले, उहाँले तिनीहरूभन्दा उच्च नाउँ उत्तराधिकारस्वरूप पाउनुभयो।
पुत्र स्वर्गदूतभन्दा महान्
5स्वर्गदूतहरूमध्ये कसलाई चाहिँ परमेश्वरले कुनै समयमा यसो भन्नुभयो?
“तिमी मेरा पुत्र हौ,
आज म तिम्रो पिता भएको छु”#1:5 भजन 2:7?
अथवा फेरि,
“म तिनका पिता हुनेछु,
र तिनी मेरा पुत्र हुनेछन्”#1:5 2 शमू 7:14; 1 इति 17:13?
6परमेश्वरले आफ्ना प्रथम् जन्मेकालाई संसारमा फेरि ल्याउनुहुँदा, उहाँ भन्नुहुन्छ,
“परमेश्वरका सारा स्वर्गदूतहरूले उहाँको आराधना गरून्।”#1:6 व्यव 32:43
7स्वर्गदूतहरूका विषयमा उहाँ भन्नुहुन्छ,
“उहाँले आफ्ना स्वर्गदूतहरूलाई बतास,
र आफ्ना सेवकहरूलाई आगोको ज्वाला बनाउनुहुन्छ।”#1:7 भजन 104:4
8तर पुत्रको विषयमा उहाँ भन्नुहुन्छ,
“हे परमेश्वर, तपाईंको सिंहासन सदाको निम्ति रहनेछ;
र तपाईंको राज्यको राजदण्ड चाहिँ न्यायको राजदण्ड हुनेछ।
9तपाईंले धार्मिकतालाई प्रेम र दुष्टतालाई घृणा गर्नुभयो;
यसकारण परमेश्वर, तपाईंका परमेश्वरले तपाईंलाई हर्षको तेलले अभिषेक गरेर
तपाईंका साथीहरूभन्दा माथि राख्नुभएको छ।”#1:9 भजन 45:6, 7
10उहाँ यसो पनि भन्नुहुन्छ,
“हे प्रभु, आदिमा तपाईंले पृथ्वीका जगहरू बसाल्नुभयो,
र आकाश तपाईंका हातका काम हुन्।
11तिनीहरू नष्ट हुनेछन्, तर तपाईं रहिरहनुहुन्छ,
तिनीहरू वस्त्रझैं पुराना भइजानेछन्।
12तपाईंले तिनीहरूलाई वस्त्रलाईझैं लपेट्नुहुनेछ,
वस्त्रझैं ती बदली हुनेछन्।
तर तपाईं एकैनास रहनुहुन्छ,
र तपाईंका वर्षहरूको अन्त्य कहिल्यै हुनेछैन।”#1:12 भजन 102:25-27
13स्वर्गदूतहरूमध्ये कसलाई चाहिँ परमेश्वरले कुनै समयमा यसो भन्नुभयो,
“जबसम्म म तिम्रा शत्रुहरूलाई
तिम्रा खुट्टाको पाउदान बनाउँदिनँ,
तिमी मेरो दाहिने हातपट्टि बस”#1:13 भजन 110:1?
14तसर्थ के सबै स्वर्गदूतहरू मुक्ति पाउनेहरूलाई सेवा गर्न पठाइएका सेवा गर्ने आत्माहरू होइनन्?
अहिले सेलेक्ट गरिएको:
हिब्रूहरू 1: NCV
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
पवित्र बाइबल, नेपाली समकालीन संस्करण™
प्रतिलिपि अधिकार © 1998, 2006, 2021 Biblica, Inc.
अनुमतिसहित प्रयोग गरिएको छ। सम्पूर्ण अधिकार विश्वव्यापी रूपमा सुरक्षित रहनेछ।
Nepali Contemporary Version™, New Testament
Copyright © 1998, 2006, 2021 by Biblica, Inc.
Used with permission. All rights reserved worldwide.