1 थेसलोनिकी 4:13-17

हे दाजुभाइ-दिदीबहिनीहरूहो, मरेका विश्‍वासीहरूका विषयमा तिमीहरू अजान बस भन्‍ने हामी चाहँदैनौं, किनकि अरू आशा नभएका मनिसहरूझैं शोक गर भन्‍न पनि चाहँदैनौं। किनकि हामी विश्‍वास गर्दछौं, कि येशू मर्नुभयो र फेरि जीवित हुनुभयो। त्यसरी नै परमेश्‍वरले उहाँमा मरेकाहरूलाई पनि येशूद्वारा जीवित पार्नुहुनेछ। प्रभुको वचनअनुसार हामी तिमीहरूलाई भन्दछौं कि, हामी जो अझ जीवित छौं, अनि प्रभुको आगमनसम्म बाँचिरहन्छौं, हामीले ती मरेकाहरूलाई कुनै रीतिले पनि उछिन्‍नेछैनौं। किनकि प्रभु स्वयम् चर्को आज्ञा, प्रधान स्वर्गदूत र परमेश्‍वरको तुरहीको स्वरसँगै स्वर्गबाट तल ओर्लि आउनुहुनेछ, अनि ख्रीष्‍टमा मरेकाहरू पहिले जीवित हुनेछन्। त्यसपछि हामी जो जीवित र बाँकी रहेकाहरू प्रभुलाई आकाशमा भेट्न तिनीहरूसित एकसाथ बादलमा उठाइलगिनेछौं। यसरी हामी प्रभुसँग सदा-सर्वदा रहनेछौं।