1 यूहन्‍ना 5:18-21

जो परमेश्‍वरबाट जन्मेको छ, त्यसले पाप गर्दैन भनी हामी जान्दछौं; परमेश्‍वरका पुत्रले उसलाई सधैं सुरक्षित राख्नुहुन्छ, अनि दुष्‍टले त्यसलाई हानि गर्न सक्दैन। हामी परमेश्‍वरका सन्तान हौं, र सारा संसार दुष्‍टको नियन्त्रणमा परेको छ भन्‍ने कुरा हामी जान्दछौं। हामी यो पनि जान्दछौं, जो सत्य हुनुहुन्छ उहाँलाई हामीले जान्‍न सकौं भनेर परमेश्‍वरको पुत्र आउनुभएको छ, र हामीलाई समझ दिनुभएको छ। अनि अहिले हामी उहाँमा छौं; किनकि हामी उहाँको पुत्र येशू ख्रीष्‍टमा छौं। उहाँ नै एक मात्र सत्य परमेश्‍वर र अनन्त जीवन हुनुहुन्छ। प्यारा नानीहरूहो, तिम्रो हृदयमा परमेश्‍वरको स्थान लिने कुनै पनि कुराबाट अलग रहो।