Mrk 16
16
Kupfuka ka Yesu akufeni
(Mt 28:1-8; Lk 24:1-12; Yhn 20:1-10)
1Ntrhaku ka savata, Maria Madalena, na Maria mamana wa Yakobe, na Salome, vaxava mafura ya kunun'hwela, akuva vatayatota a ntrumbu wa Yesu. 2Hikola ka leswo, hi sonto amixweni, hi kuhuma ka dambu, vayi axireni. 3Andleleni afa va vutisana vaku: Hi mani lweyi atakahipfingulela a ribye ledri dringa nyangweni ya xira? 4Hikusa afa drili drikulu. Kambe loko vatlhasi kone, vavoni leswaku afa dripfinguleliweli tlhelweni. 5Vanhingeniki axireni, vavona kone a ndrisanyana lweyi atrhamisiki axineneni, na ayambali xiyambalu xa ntlhohe. Vatxhuka vava vatxhava ngopfu, 6kambe a ndrisanyana aku ku vone: N'wingatxhukeni! N'witatadjula Yesu wa le Nazarete, lweyi avambiwiki; Yene apfuxiwi kufeni. Angehe kone lana! Lavisani mbangu lowu afaka vamubeki ku wone. 7#Lavisa 14:28. Kambe fambani n'wiyativisa a vadondrisiwa na Petrosi, n'wiku Yene atan'wirangela aya a Galileya; n'witamuvona kone, swanga hi leswi an'wibyeliki.
8A vavasati vahuma axireni vatrutruma, hikusa afa varurumela ni kutxhava. Nakone avadrungulelanga mhunu ntxhumu.
Kutikombisa ka Yesu Ka kusungula
(Mt 28:9-10; Lk 24:13-35; Yhn 20:11-18)
9Ntrhaku kakuva apfuki kufeni ahumeleli hi sonto amixweni ngopfu, akusunguleni ku Maria Madalena, lweyi afaka ahlongoli ku yene, ntlhanu wa mademoni na mabiri.#16:9 A tindrimana 9-20 atikumeki ku matralwa yaku hlawa ya khale. 10Kutani yene ayivativisa lava afaka vafamba-famba na Yesu, afaka vali kuvavisekeni ngopfu ni le kudrileni. 11Vone-ke loko vayingela leswaku Yesu awahanya, ni leswaku avoniwi ha Maria, avapfumelanga.
12Ntrhaku ka swone, Yene atikombisi ku vadondrisiwa vabiri lava afaka vakongoma atintlhaveni. 13Na vone vayitivisa van'wana vadondrisiwa, kambe ni ko ku lava vabiri, vone avapfumelanga.
Yesu ahumelela ku vadondrisiwa
(Mt 28:16-20; Lk 24:36-53; Yhn 20:19-23; Mnt 1:6-11)
14A vugan'wini, Yesu ahumeleli ku lava va khume na mun'we, na vatrhami kudeni. Avasola hikuva vangana likholo, ni kunonon'hwa ka timbilu, ni leswi vangapfumelangakiki ku vhanu lava vamuvoniki loko apfuki kufeni. 15#Fananisa ni Mnt 1:8. Ntrhaku aku ku vone: Fambani amisaveni hinkwayu, n'wiyarera a Ivangeli ku swivumbiwa hinkwaswu. 16Lweyi apfumelaka, ava ababatisiwa, atahuluka, kambe lweyi angapfumelikiki, atayavanyisiwa. 17Lava vatakavani kupfumela vatatibyiwa hi swikombiso leswi: Hi vito dranga vatahlongola mademoni, ni kukhanela tindrimi timpswha. 18Loko vakhoma tinyoka, kumbe kunwa vuhlungu byini ni byini, vangatitwa kuxanisiwa hi ntxhumu. Ni loko vantlhanteka mavoko ku timbabyi, titahanya.
19Ntrhaku kakuva akhaneli ni vadrondrisiwa, Hosi Yesu atekeliwi atilweni, ayatrhamisa axineneni xa Xikwembu Nkulukumba. 20A vadondrisiwa vasuki vayarera a Ivangeli amimbangwini hinkwayu. Na Hosi yivapfuna ni kutiyisa kurera kwavu hi swikombiso leswi afaka swilandrela a kurera kwavu.
अहिले सेलेक्ट गरिएको:
Mrk 16: NTX2007
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Xironga New Testament with Psalms © Bible Society in Mozambique, 2007.
