Lk 19
19
Yesu avitana Zakeya
1Kutani Yesu anhingena, atremakanya Yeriko. 2Afa kuni wanuna a vito drakwe ali Zakeya, afaka ali ndruna ya vahlengisi na ali mufuyi. 3Afa adjuletela kuvona Yesu leswaku i mani. Swakuva leswi afaka ahluleka hinkonta ya xitrhungu, hikusa afa agomile, 4ahangatrutruma mahlweni aya khandriya nkuweni akuva atamuvona, hikusa Yesu afa atahundra hi le ku wone. 5Yesu ahangatlhasa ku mbangu lowo, alavisa henhla, amuvona, aku ku yene: Zakeya hangwesa uxika hikusa namunhla swifanekeli ndriya trhamisa andlwini yaku. 6Ahangwesa axika, amuyamukela hi kutrhava. 7Loko vaswivonile hinkwavu, van'unun'uta vaku, anhingeni ndlwini ya nuna wamudohi, awisa kone. 8Kambe Zakeya ayima aku ku Hosi: Lavisa, we Hosi, nitapumbela swisiwana vukosi byanga hi le makari; loko nidile xa mhunu, nitamutlhelisela ha ka mune. 9Yesu aku ku yene: Namunhla a kuhuluka kunhingeni andlwini leyi, hikusa na yene i n'wana Abrahamu. 10Hikusa a N'wana wa Mhunu ateli kudjula ni kuhuluxa leswi swilahlekiki.
Xifaniso xa khume dra vampondo
(Mt 25:14-30)
11A xitrhungu afa xiyingela Yesu hikola ka timhaka hinkwatu leti. Swanga hi leswi afaka ali kusuhi ni le Yerusalema, a tiko driyanakanya leswaku swoswi-swoswi a Mfumu wa Xikwembu Nkulukumba wutavoneka. 12Yesu ayengeta ahlaya xifaniso lexi aku: Mun'we mhunu wa kutxhaviseka ayi ku tiko dra kule, aya yamukela vufumi byake na atatlhela abuya. 13Avitana khume dra malandra yake, amanyika khume dra vampondo, aku ku vone: Bindrulani ha vone niko nibuya. 14Kambe a vatiko dra kwavu afa vamuvenga; varuma swirun'wa antrhaku kwake vaku: Ahiswirandri akuva lweyo afuma a henhla kweru. 15Kati, akubuyeni kwake na ayamukeli mfumu. Aleleta leswaku akuvitaniwe malandra yake lawa afaka amanyiki mali, akuva atativa leswi mun'wana-ni-mun'wana abindruliki swone. 16Kutlhasa lweyi wa kuranga aku: Hosi, a mpondo yaku yibindruli khume dra vampondo. 17Aku ku yene: I swahombe, nandra lweyi munene; leswi udumbekiki ku leswi switrongo, vana ni ntamu henhla ka khume dra miti. 18Kutlhasi lweyi wa vubiri, aku: A mpondo yaku, we n'winyi wanga yi bindruli ntlhanu wa vampondo. 19Ni ko ku lweyi aku: Na wene-ke, vana henhla ka ntlhanu wa miti. 20A mun'wana na yene ata aku: Hosi, a mpondo yaku hi yoleyi, afaka ndre kuyitrimbela nturwini, 21hikusa nakutxhavile hi leswi unga mhunu wa kunonon'hwa, uteka leswi ungaswibekangakiki, utrhovelaka leswi ungaswibyalangakiki. 22Aku ku yene: Nandra lweyi mfani; nitakuyavanyisa hi nomu waku. Afa uswitiva leswaku ni mhunu wa kunonon'hwa, nitekaka leswi ningaswibekangakiki, niva nitrhovela leswi ningaswibyalangakiki. 23Ha yini-ke ungabekanga mali yanga kuvabindruli, akuva a kubuyeni kwanga nitayivitana kun'we ni leyi yibindruliwiki? 24Ahangaku ku lava vayimiki kolahu: Mutekelani mpondo, nw'inyika lweyi angani khume dra va mpondo. 25Kambe vaku ku yene: N'winyi weru, ani khume dra va mpondo! 26A n'winyi ayangula: Nan'wibyela nili lweyo ni lweyo, lweyi anganaswu, atanyikiwa; kambe loko ali lweyi angaliki na ntxhumu, atatekeliwa ni leswi switrongo anganaswu. 27Loko vali valala vanga, lava vangadjuliki leswaku niva mufumi wavu, vatisani kola n'wivadlaya amahlweni kwanga.
Yesu anhingena Yerusalema
(Mt 21:1-11; Mrk 11:1-11; Yhn 12:12-19)
28Kuti loko ahlayi swoswo, Yesu afamba mahlweni antlhantukela Yerusalema. 29Kuti loko atrhindrekeli Betefage ni le Betaniya, hi le nhaveni leyi valiki i ya Minhlwari, aruma vabiri ku vadondrisiwa aku: 30Fambani n'wiya mutini lowu lavisaniki na n'wine, n'witaku n'winhingena ku wone n'witakuma mbongolwana leyi yikulekiwiki, yingasiki khandriyiwa hi mhunu; yikululani n'wiyitisa halenu. 31Loko mhunu an'wivutisa aku, xana n'wiyikululela yini, n'witaku hikusa a Hosi yayidjula. 32Vafambiki varumiwa, vaya kuma na switani heswi avabyelisiki xiswone. 33Vatiki navahakulula mbongolwana, avenyi va yone vaku ku vone: Xana n'wiyikululela yini mbongolwana? 34Vaku: Hikusa Hosi yayidjula. 35Vahangayitisa ku Yesu; vayandlala swiyambalu swavu a henhla ka mbongolwana. Vakhandriyisa Yesu ku yone. 36Aku na afamba, vayandlalela swiyambalu (makapulana) swavu andleleni. 37Loko ahatrhindrekela akufulameleni ka Nhava ya Minhlwari, a xitrhungu hinkwaxu xa vadondrisiwa xisungula kutrhava, xitlangela Xikwembu Nkulukumba hi ritu ledri dritlakukiki hinkonta ya mintamu hinkwayu le vanga mivona. 38Vaku:
Akukhensiwe Mufumi,
lweyi ataka hi vito dra Hosi!
A kurula akuve Tilweni,
ni kutwala ahenhlahenhla!
39A van'we va vafarisi lava afaka vali kone xitrhungwini, vaku ku yene: Mudondrisi, khwavela vadondrisiwa vaku. 40Yesu ayangula aku: Nan'wibyela nili, loko lava vamiyela, amaribye matabandlukana. 41Loko atrhindrekelile a Yerusalema avona muti, Yesu awudrilela 42aku: Loko fanga uswitivile na wene namunhla ntsena, leswi swivangaka kurula kwaku! Kambe swoswi, swifihlekile mahlweni kwaku! 43Hikusa a masiku matata ku wene, lawa avalala vaku vataka kubiyela linhlampfu, vakutrandrela vakusivela, hi matlhelo hinkwawu. 44Vatakumbundrumuxela hansi, wene ni vanaku lava vanga ku wene, vangasiye ribye henhla ka ribye drin'wana ku wene, hileswi ungawutivangakiki nkama wa kuhuluxiwa kwaku hi Xikwembu Nkulukumba.
Kuhambana ni swiyeyiso ku Yindlu ya Xikwembu Nkulukumba
(Mt 21:12-17; Mrk 11:15-19; Yhn 2:13-22)
45Yesu atiki anhingena ndlwini ya Xikwembu Nkulukumba, asungula kuhlongola lava vaxaviselanaka ku yone. 46#Lavisa: Ezy 56:7; Yr 7:11. 46 Aku ku vone: Xikwembu Nkulukumba ali ku matlhelweni ya Kuhlawuleka: A yindlu yanga yitava yindlu ya kukhongota ku yone; kambe n'wine n'wiyihambi mhakwa ya vayivi.
47Yesu afa adondrisa hi siku drin'wana ni drin'wana andlwini ya Hosi, kambe a vaprista ni vadondrisi va Nawu ni vakulu va tiko afa vadjula kumudlaya. 48Swakuva leswi afaka vapfumala leswi vangayentxaka swone; hi leswi a tiko hinkwadru afaka drinamarela ku yene drimuyingela.
अहिले सेलेक्ट गरिएको:
Lk 19: NTX2007
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Xironga New Testament with Psalms © Bible Society in Mozambique, 2007.
