Lk 16
16
Xifanisu xa mulaviseli lweyi angadumbekangakiki
1Yesu ayengeta abyela a vadondrisiwa vakwe aku: Afa kuni mhunu lweyi afaka ani vukosi; afaka ali ni mulaviseli. Kutani a vhanu varambela mulaviseli ku n'winyi wakwe hileswi ahangalasaka vukosi byake. 2Amuvitaniki aku ku yene: Xana i mpswini leswi niswiyingelaka ha wene? Trhandra swa vulaviseli byaku, hikusa ungahavi mulaviseli. 3A mulaviseli atiyanakanya aku: Nitayentxa yini, leswi an'winyi wanga anitekelaka vulaviseli byanga? A kudrima nahluleka; a kukombela nini tingana. 4Naswitiva leswi nitakayentxisa xiswone, akuva nitaku nahumexiwa, niyamukeliwa atindlwini tavu. 5Ahanga vitana ha mun'we ha mun'we lava afaka veni nandru ku n'winyi wakwe; aku ku lweyi wakusungula: Xana una nandru muni ku n'winyi wanga? 6Aku: I dzana (100) dra mimpimu ya mafura. A mulaviseli aku ku yene: Teka a papela draku utrhamisa uhangwesa utrala ntlhanu wa makume (50). 7Kutani aku ku mun'wanyana: Wene-ke, xana una nandru mun? Aku: I dzana (100) dra mimpimu ya mavele. Amulaviseli aku ku yene: Teka papela draku, utrala ntlhanu wa makume na mararu (80). 8A n'winyi wakwe akhensa mulaviseli lweyi wa kudoha, leswi ayentxiki hi vutlhari. Hikusa a vana vamisava leyi vatlula a vana vakuvaninga hi vutlhari alixakeni dravu.
9Kutani Yesu aku, na mine nan'wibyela nili: Tiyentxelani vanakuloni hi vukosi lebyi byinga lulamangakiki, akuva byitaku byahela, van'wiyamukela atiyindlweni leti tingahelikiki. 10Lweyi adumbekaka ku leswi switrongo awadumbeka ni ku leswi swikulu. Lweyi angalulamikiki ku leswi switrongo, ni leswi swikulu angalulamanga. 11Loko-ke n'wingadumbekanga avukosini lebyi bya kuka byingalulamanga, xana i mani lweyi atakan'widumbela vukosi lebyi byinga byone? 12Nangweso loko n'wingadumbekanga hi swa van'wana i mani lweyi ataka n'winyika leswi swinga swenu? 13Akuna nandra lweyi angaswikotaka kutirela vinyi vabiri, hikusa kumbe atavenga mun'we arandra mun'wana, kumbe atanamarela ku mun'we adrela mun'wana. An'wina kuswikota kutirela Xikwembu Nkulukumba na Mamona (mali).
Nawu ni Mfumu wa Xikwembu Nkulukumba
(Mt 11:12-13; 5:31-32; Mrk 10:11-12)
14A Vafarisi vanga varandri va mali, afa vayingela hinkwaswu leswo, vahleka Yesu. 15Yene aku ku vone: N'wine, n'witiyentxa lava valulamiki amahlweni ka vhanu, kambe Xikwembu Nkulukumba ativa timbilu tenu. Hikusa leswi swingani lisima amakari ka vhanu, ku Xikwembu Nkulukumba swibihile.
16A nawu wa Moxe ni dondro ya vaprofeta switirile kuya tlhasa nkameni wa Yohana Mubabatisi. Kolahu a Ivangeli ya Mfumu wa Xikwembu Nkulukumba yireriwa, mani na mani ayentxa hi ntamu kunhingena kone. 17Kolahu-ke swavevuka akuva tilo ni misava swihundra, kutlula loko aletelanyana dra nawu driwa.
Mhaka ya kudlaya vukati
18Lweyi ahlongolaka nsati wakwe atlhela ateka mun'wana ayentxa vumbuye naye; ni lweyi atekaka nsati lweyi ahlongoliwiki, na yene ayentxa vumbuye.
Lazaro ni mufuyi
19Afa kuni mhunu wa mufuyi, afaka yambala swiyambalu leswi swa libungu swakudula ngopfu, ada swavunandri hi masiku hinkwawu. 20Nakone afa kuni wa xisiwana, wa kutala hi swilondra a vito drakwe ali Lazaro, afaka abekiwa nyangweni ya lweyi wa mufuyi. 21Afa anavela kuxura hi vuntlhantlha lebyi afaka byiwa tafuleni dra mufuyi, nato timbyana afa tita, titatamunampswela swilondra.
22Lweyi wa xisiwana afa, ayisiwa hi swirun'wa axifuveni xa Abrahamu. Naye mufuyi afa, alahliwa. 23Loko ali akheleni dra ndrilo ambangwini wa kuxaniseka, atlakuxa mahlu, avona Abrahamu na ali kule, na Lazaro ali xifuveni xakwe. 24Amuvitaniki aku: Tatana Abrahamu, niyentxele lirere, uruma Lazaro apeta a litiho drakwe amatini, atatanitimula lidrimi, hikusa nixaniseka ngopfu alangavini ledri! 25Kambe Abrahamu aku: N'wananga, drimuka leswaku wa yamukeli leswi swa hombe avutomini byaku hinkwabyu; kasi Lazaro ayamukeli makhombo. Swoswi awamiyetiwa kasi wene wavaviseka. 26Mfuri, kubekiwi a xiwa lexi xikulu amakari kweru na n'wine, akuva lava vanga halenu, lava vadjulaka kutremakanya vaya halanu ku n'wine vangaswikoti, nambi lava vanga kohalanu loko vadjula kuta halenu. 27Nangweso a mufuyi aku: Nakukhongota, we tatana Abrahamu, leswaku uruma Lazaro andlwini ya tatana wanga. 28Hikusa nina ntlhanu wa vamakweru akuva Lazaro aya vamamulela, suka vatata na vone ku mbangu lowu wa kuxaniseka. 29Abrahamu aku ku yene: Vana Moxe ni vaprofeta, avavayingele. 30Kambe aku: Im'hi, tatana Abrahamu. Kambe loko mun'we ku lava vakufa aya ku vone, vatandruluka. 31Kambe Abrahamu aku ku yene: Loko vangayingisete. Moxe ni vaprofeta, ana vangapfumeli nambi mun'we ku lava vakufa apfuka.
अहिले सेलेक्ट गरिएको:
Lk 16: NTX2007
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Xironga New Testament with Psalms © Bible Society in Mozambique, 2007.
