Yhn 15
15
Kriste i nsinya lowu wunene wa vhinya.
1 # Fanisa na Ezy 5:1-4. Hi mine nsinya lowu wunene wa vhinya; Tatana wanga i mudrimi. 2A likambu lin'wana ni lin'wana ledringa ku mine, ledringabekiki mihandru, awadritrhema; kambe drin'wana ni drin'wana ledri dribekaka mihandru awadrikhakhata, akuva dritahundrisa kubeka mihandru. 3Niswoswi n'wine n'wibasile, hikola ka ritu ledri nin'wibyeliki drone. 4Trhamani ku mine, na mine ku n'wine. Swanga hi leswi likambu dringakotikiki kubeka mihandru ha swadrone loko dringatrhami ansinyeni, na n'wine an'wina kuswikota kubeka mihandru, loko n'winga trhami ku mine. 5Hi mine nsinya wa vhinya, n'wine n'wi tinkambu. Lweyi atrhamaka ku mine, swanga hi leswi na mine nitrhamaka ku yene, abeka mihandru yakutala; hikusa ahandle kwanga n'wingaka n'wingakoti kuyentxa ntxhumu. 6Loko mhunu angatrhami ku mine, atatxukumetiwa swanga hi likambu; kutani drawoma vadrirola, vadritxukumeta ahandle, dripswha. 7Loko n'witrhama ku mine, ni maritu yanga matrhama ku n'wine, kombelani hinkwaswu leswi n'wiswirandraka, n'witanyikiwa. 8Tatana wanga atwalisiwa hi loko n'wibeka mihandru yakutala, akukombisa leswaku n'wi vadondrisiwa vanga.
9Swanga hi leswi Tatana anirandriki, na mine nin'wirandrile; trhamani a lirandrwini dranga. 10Loko n'wibekisa milawu yanga, n'witatrhama alirandrwini dranga, swanga hi leswi na mine nibekisiki milawu ya Tatana wanga, kutani nitrhami lirandrwini drakwe.
11Nin'wibyeli leswo akuva kutrhava kwanga kutrhama ku n'wine, ni leswaku a kutrhava kwenu kuhetiseka. 12A nawu wanga hi lowu: Hi leswaku n'wirandranana, swanga hi leswi na mine nin'wirandriki. 13Akuna mhunu lweyi angani lirandru ledri dritlulaka ledri: dra loko mhunu anyikela vutomi byake hikola ka vanakulobye. 14N'wi vanganu vanga loko n'wiyentxa leswi nin'wileletaka swone. 15Anahan'wihlayi malandra, hikusa a nandra angativi leswi n'winyi wakwe aswiyentxaka. Kambe nin'wihlayi vanakulori, hikusa nin'witivisi hinkwaswu leswi niswiyingeliki ku Tatana wanga. 16Ahi n'wine n'winihlawuliki; kambe hi mine nin'wihlawuliki, nin'wibekiki akuva n'wiya n'wibeka mihandru, ni mihandru yenu miva leyi mitrhamiki; akuva nambi n'wikombela yini na yini ku Tatana hi vito dranga, atan'winyika. 17Leswi nin'wileletaka swone hileswaku n'wirandrana!
Akuvengiwa ka Yesu ni vadondrisiwa
18Loko misava min'wivenga, tivani leswaku yone mirangi minivenga. 19Loko afa n'wi va misava, ana misava mirandri swa yone; kambe leswi n'wingeke va misava, ni leswi nin'wihlawuliki makari ka yone; hikolahu a misava man'wivenga. 20#Fananisa 13:16; Mt 10:24; Lk 6:40. Drimukani leswi nin'wibyeliki swone, loko niku: A nandra ahi nkulu ku n'winyi wakwe loko vanixanisile, na n'wine vatan'wixanisa; loko vabekisi ritu dranga, ni dro drenu vatadribekisa. 21Kambe vatan'wiyentxa hinkwaswu leswo hinkonta ya vito dranga, hikusa avativi lweyi anirumiki.
22Loko afa ningatanga nitatavulavula navu, ana vangena xihono; kambe swoswi avana leswi vangatilandrulaka ha swone hinkonta ya xihono xavu. 23Lweyi anivengaka, avenga ni Tatana wanga. 24Loko afa ningatiranga amahlweni kwavu, a mintiro leyi mun'wana mhunu angamitirikiki, afa vangativana xihono. Kambe vamivonile mintiro, vatlhela vavenga mine na Tatana. 25#Lavisa Mps 35:19; 65:5. Kambe hileswaku a ritu dritahetiseka, ledri dritraliwiki a Nawini wavu driku: Vekunivenga handle ka mhaka.
26Kambe loko kutatlhasa Mutxhaveleli, lweyi nitakan'wirumela yene apfa ku Tatana, wunga Moya wa xihlayelamfuri, lowu wuhumaka ku Tatana, hi yene lweyi atakanihambela vumboni. 27Na n'wine n'witahamba vumboni hikusa n'witrhama na mine kusukela akusunguleni.
अहिले सेलेक्ट गरिएको:
Yhn 15: NTX2007
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Xironga New Testament with Psalms © Bible Society in Mozambique, 2007.
