जकरियाको पुस्तक 1:18-21

तब मैले माथि हेरें अनि चारवटा सींङको दर्शन पाएँ। अनि मैले मसँग कुरा गर्ने स्वर्गदूतलाई सोधें, “यी सींङहरूको दर्शन के हो?” उनले भने, “यी ती सींङहरू हुन् जसले इस्राएल, यहूदा अनि यरूशलेमका मानिसहरूलाई छरपष्ट पारेका थिए।” त्यसपछि परमप्रभूले मलाई चारजना कारीगरहरू देखाउँनु भयो। मैले उहाँलाई सोधें, “यी चारजना कारीगरहरू किन आएकाछन्?” उहाँले भन्नुभयो, “यी सींङहरू जसले यहूदालाई तितर बितर बनाए ता कि एउटै मानिसले पनि आफ्नो शिर खडा गर्दैनन्, तर यी कारीगरहरू ती देशहरू जसले यहूदा भूमिलाई छरपष्ट पार्न सींङहरू खडा पारे ती देशहरूलाई डर देखाउँन अनि तिनीहरूको सींङहरू फ्याँकिदिन आएका हुन्।”