Ioane 11
11
1E HU ke at ae mok, jia Lazaro at Bethania, hnyi taun anyi Maria me liamekeiny mē jia Maretha. 2Haba Maria, me wale at ame osûâ Than ge muro, kʼ ame köt li can ge leûnen ban, haniny e a Lazaro at ame mok. 3Ke haba li lahaniny, me ödru me ûkhûnöng he ka ha kâu, ka habe, Taböny Than, mē wâ bi at u me betenge gan ame mok. 4A long ut; Iesu, me e ame ba, ka habe, Ame ca he ka mekiny mok ang, ke so bi hnân ogânâ Khong, mʼ adre me he minya ka ogânâ Nokon Khong hnen e. 5Haba Iesu ame betenge ga Maretha me liamekeiny mē me Lazaro minya. 6E ame long ae mok, ke e ame laba hmetu ju a lo bongon hnyi dok eling. 7Hwaban e, e ame ha ka laten, ka habe, fitin a hmetu Juda ai. 8Me ame ha kâu laten, ka habe, Rabi, haba at Juda adre me elâm he ka lûö u ge veto, hawa, u me he hmetu kâe? 9Iesu ame thu, ka habe, Hawa, ca twelv awa hnyi bong? A ne he ke at hnyi lany e ame ca he ka thö, anyin a e ame wâ melam eang hmeledrany. 10Ke a ne he at hnyi hnyinghet, e ame he ka thö, anyin ae ba melam gan. 11E ame ha hofuc eling, ke hwaban e, e ame ha kodra, ka habe, A mokut ut Lazaro a hanötin; ke oge me he bi nya ka ohmâkâ e hnyi hna mokut. 12Me ame ha laten, ka habe, Taböny Than lö, a ne mokut, e ame he ka möt. 13Haba Iesu ame ha a ga mokcu: ke ödrin e ûnykûme a gʼ ame ha ge mokut me menâ. 14Me haba Iesu ame ha manenâ ködrin, ka habe, A mokcu Lazaro. 15Ke inya oge me senyin gabun, anyin ae hiö nya e, mʼ öbun e he bi ka labageju; otin he thö kâu. 16Ke ame ha Toma, adre wenyö Didumo, ka hnyat a tha laten mē, ka habe, Ötin he minya mʼ ate me he ka tha mok mē.
17Me ame o but Iesu, ke e ame wâ a vak ut bongon hnyin erkemok. 18Haba Bethania me Jerusalema, me ûhakekeny helâke me fiftin je setadia: 19ke se hia at Juda adre me he but kö Maretha me Maria he ka otubweli ödru anyina hanidru. 20A long ut Maretha a gʼ ame o but Iesu, me e ame he he ka ukhanö mē: ke haba Maria, me e ame laba biju eiö hnyin uma. 21Haba Maretha ame ha kö Iesu, ka habe, Than lö, a ne hnâm ang, ma ca he ka mok hanik. 22Ke walang ang, e khanö nya a gʼ ame he Khong ka ham köu ta je ûnyi hia thithö u me he ka sumâtâ gan. 23Iesu ame ha kâu, ka habe, Ame he ka möt hmetu hânâm. 24Haingö Maretha kâu, ka habe, E khanö nya a gʼ ame he ka möt hmetu hnyi ûen möt hmetu hnyi bong a obiny. 25Iesu ame ha kâu, ka habe, Inya ang möt hmetu, me möt minya: haba at ame he ka labageju könya, eja ke ne a ne mokcu, e ame he ka möt: 26ke haba at ame möt me labageju könya e ame ca he ka mok nyiele balua. Hawa, u me kap e? 27Haingen ame ha kâu, ka habe, Eke Than, inya oge hia but kap a u thibi Keriso a Nokon Khong, ame he ka o eang hmeledrany. 28E a hia but ha e, me e ame he but, me hawâ duöngi Maria, a liamekeiny mē, me ha, ka habe, A o thö ang At ûne, ke e ame hawo u. 29E a long ut, me ame ie todrö, me he kâu. 30(Ke tiga ca o bi Iesu ka hnyi taun, ke e ame tiga laba hnyi dok e ame ûkhanö me Maretha hnyin.) 31Ke haba at Juda adre tha laba mē eiö hnyin uma, a hnyat otubwelâ, adre me ō Maria ame ie tot me he hnyou ai, me adre me he hoton, adre me ûnykûme a gʼ ame ke ka hnyi erkemok he ka tenge eling. 32Ame o but Maria ka hnyi dok ae hnyin Iesu, me e ame ta ju ka hnyi li can, me ha kâu, ka habe, Taböny Than, a ne hnâm ang ma ca he ka mok hanik. 33Iesu ame wâ e ame tenge, me at Juda adre me tha he mē adre me hnyi tenge, me e ame mâng eû hnyi hnyekon, me hmak hmonyin, 34me ha, ka habe, Ewa dok öbun e ip e hnyin? Haingödra kâu, ka habe, Than lö, aiö u ka wâ. 35Iesu ame tenge. 36Me ame ha at Juda, ka habe, Wâ bi, ûganiny anyin ibe tengiö kâu! 37Ke haingen keihen, ka habe, Hawa e ca khana at e, wale at a obwela li emakan at ae wadröu he ka thawâ me me ca he ka mok bi at ang? 38Iesu ame mâng hmetu eû hnyi hnyekon, me o ka hnyi erkemok, wale op, ke adre ip veto hnyi hnyimen. 39Iesu ame ha, ka habe, Hom but veto. Haingö Maretha a haniny e a mokcu, ka habe, Thanlö, e bon dut, anyin a vak ut bongon. 40Iesu ame ha kâu, ka habe, Oge ca ha köu, ka habe, U je ne he ka labageju, me u me he ka wâ hmanenanginy Khong? 41Me adre me hom but veto. Ke haba Iesu ame bwele thö görany ai me ha, ka habe, Cica lö, inya oge me ole köu anyin a u me ling nya. 42Ke e khanö nya a u me ling nya bala: ke oge me ha anyin a ödra se adre me tot igigili nya, mʼ adre me he ka kap a u je kunö nya. 43E ame ha hofuc e, me e ame hongot hwege thö, ka habe, Lazaro lö, didrut. 44Me ame didrut at a mokcu a gʼ adre lan li can me li benyin ge manoiny erkemok; kʼ adre lan hnyimakan ge ecmano. Iesu ame ha kodra, ka habe, Thang ut e, me hna but me me he but.
45Me ame labageju kâu at Juda ae se, a hnyat adre me o kö Maria, kʼ adre me wâ ta je ûnyi e ame mâdrâ. 46Ke haba keihen gadra, me adre me he but ka ta je Faresaio, me ha kodra ta je ûnyi ame ânyâ Iesu.
47Me haba je taben tavat bihut me ta je Faresaio adre me hawâ ûhnenamö, me haingödra, ka habe, Hawa gata? anyin ae se hia but ta je ûöman ame ânyâ at e. 48Ate ne he ka hna e helâe, me ame he tavat hia ka lababeju kâu: me ame he ka o at Roma bi ka hûgûnâ hnöta me ita minya hnyei. 49Ke haba ke at gadra wale Kaiafa a taben tavat bihut hnyi huna eling, ame ha kodra, ka habe, E ba hmonyin ong ûnyi ae khanʼ öbun, 50ke öbun e ca ûnykûme, ka habe, e ûnyi hnathu köbun a ga mok bi at a khaca hnân hwaban tavat ae se hia, me me ca mok bi hnyei hia. 51Ke e ame ca ba e a ka ûnyi gan: ke so bi e taben tavat bihut hnyi huna eling, kʼ ame perofeta a gʼ ame he ka mok Iesu hnân hwaban hnyei eling; 52ke ca hake hnân hnyei eling, ke so bi mʼ adre me ûkhacaköu lakon Khong adre vese, mʼ adre me khaca thibi. 53Ke hwân hnyi bong eling adre me si hnân he ka hlingâ e.
54Waleling me me ca he manen hmetu Iesu hnyi hnyimakan at Juda, ke e ame he but ka hnyi ke keihen hnyei ae hakekeny ka hnyi hnyebuba, ka hnyi taun Eferaima ien, kʼ ame tha laba eling me laten. 55E hakekeny jut paseka anyin at Juda: ke se hia tavat adre me he Jerusalema ai ûhedra he e, he ka obosoi ödra e me tiga ca ûen paseka. 56Ke adre me elöm Iesu, me ûhnenamököuâ hnyi ûen adre me tot hnyin uma kap, ka habe, Ieû ûnykûmenöbun? Hawa, e ame ca he ka he jem ka hnyi bijeû? 57Haba je taben tavat bihut me ta je Faresaio adre me otilâ hnanyibu, ka habe, A ne ke at ae khana dok ame laba hnyin, hamen he ka omanenâ mʼ adre me he ka kât e.
अहिले सेलेक्ट गरिएको:
Ioane 11: IAAI
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
maintained by the British and Foreign Bible Society
