Genese 5
5
1WALANG tusiny je dö ûnyi ga Adamu. Haba hnyi bong Khong ame op at hnyin, e ame op e me we Khong; 2e ame up ödru a baga me momo; ke e ame hahnahici ödru, me hwenyi iödru at, hnyi bong adre up ödru hnyin. 3Haba Adamu ame möt hnyi khaca haded ke thöte ta je huna, me e ame hnokoâ ke da helâ me e bi, me we e; me hwenyi ien, me, Setha: 4ke haba ta je bong bongu Adamu hwaban hnen hna hnöku Setha, me, eit haded ta je huna: ke e ame hnokoâ je da me in. 5Ke haba ta je bong hia ame möt hnyin Adamu, me, nain haded ke thöte ta je huna: kʼ ame mokcu. 6Haba Setha ame möt hnyi khaca haded ke thabûng ta je huna, me hnöku Enosa: 7ke haba ta je hunainy möt anyi Setha hwaban hnen hna hnöku Enosa, me, eit haded ke seven, kʼ ame hnokoâ je da me in: 8ke haba ta je bong hia bongu Setha, me, nain haded ke twelv ta je huna: ke ame mokcu.
9Ke nainte ta je hunainy möt anyi Enosa, ke e ame hnöku Kainana: 10ke eit haded ke fiftin ta je hunainy möt anyi Enosa hwaban hnen hna hnöku Kainana, ke e ame hnokoâ ta je da me in: 11ke haba ta je bong hia bongu Enosa, me, nain haded ke thabûng ta je huna: ke ame mokcu.
12Ke sevente ta je hunainy möt anyi Kainana, ke e ame hnöku Mahalaleel: 13ke eit haded ke fâte ta je hunainy möt anyi Kainana, hwaban hnen hna hnöku Mahalaleel, ke ame hnokoâ ta je da me in: 14ke haba je bong hia bongu Kainana, me, nain haded ke libenyita ta je huna: ke ame mokcu.
15Ke sikste ke thabûng ta je hunainy möt anyi Mahalaleel, ke ame hnöku Jareda: 16ke eit haded ke thöte ta je hunainy möt anyi Mahalaleel hwaban hnen hna hnöku Jareda, ke ame hnokoâ ta je da me in? 17ke haba ta je bong hia bongu Mahalaleel, me, eit haded ke nainte faiv ta je huna: ke ame mokcu.
18Ke khana haded ke sikste tu ta je hunainy möt anyi Jareda, ke e ame hnöku Enoka: 19ke eit haded ta je hunainy möt anyi Jareda hwaban hnen hna hnöku Enoka, ke ame hnokoâ ta je da me in: 20ke haba je bong hia bongu Jareda, me, nain haded ke sikste tu ta je huna: ke ame mokcu.
21Ke sikste faiv ta je hunainy möt anyi Enoka, ke e ame hnöku Methusela: 22ke Enoka ame labö tha he me Khong hnyi kun ta haded ta je huna hwaban hnen hna hnöku Methusela, ke ame hnokoâ ta je da me in: 23ke haba je bong hia bongu Enoka, me, kun ta haded ke sikste faiv ta je huna: 24haba Enoka ame labö tha he me Khong: kʼ ame hia thiju; anyin a Khong ame hom dö e. 25Ke khaca haded ke eite seven ta je hunainy möt anyi Methusela, ke ame hnöku Lameka; 26ke seven haded ke eite tu ta je hunainy möt anyi Methusela hwaban hnen hna hnöku Lameka, ke ame hnokoâ ta je da me in: 27ke haba ta je bong hia bongu Methusela me nain haded ke sikste nain ta je huna: ke ame mokcu.
28Ke khaca haded ke eite tu ta je hunainy möt anyi Lameka, kʼ ame hnokâ da: 29ke e ame hwenyi ien bi, me, Noa, ke haingen, Walang at ame he ka otubweli ötin ge anyitin huliwa, me vecin li hnyamöta ûnyi ge kânâ waleji a hangâ Iehova.
30Ke thabûng ta haded ke nainte faiv ta je hunainy möt anyi Lameka hwaban hnen hna hnöku Noa, ke ame hnokoâ ta je da me in: 31ke haba ta je bong hia bongu Lameka, me, seven haded ke sevente seven: ke ame mokcu. 32Ke thabûng haded ta je hunainy Noa: ke Noa ame hnöku Sema, me Hama, me Jafeta.
अहिले सेलेक्ट गरिएको:
Genese 5: IAAI
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
maintained by the British and Foreign Bible Society