Genese 12
12
1KE haba Iehova ame ha kö Aberama, ka habe, He but ûhem hnyi gam, me ânyâm lap, me hnyaban kâmâm, ka hnyi hnyei oge me he ka omanenâ köu: 2ke oge me he ka wiö u me me dökhu ae gan, ke oge me he ka ohnahici u, me ogânâ iâm; ke u ma he ka hnahic: 3ke oge me he ka ohnahici ödra adre me ohnahici u, ke haba at ame hangö u oge me he ka hangâ: ke ame he ka hnahic ut ûnyi gam ta je hnyei hia eang hmelen. 4Me haba Aberama ame he but helâ me hna ha kâu hnö Iehova; ke Lota ame tha he mē: me Aberama ame he ûheny Karan, ke sevente faiv ta je hunainy. 5Haba Aberama ame hum Sarai a âiân, me Lota a nokon liamekeiny më, me tang omjehedrin hia ödrin e hia but ûkböûna, me je hnyat ödrin e hia but hom unyidrin hnyi Karan; ke ödrin e he but ka hnyi hnyei Kanana; me Ödrin e o but hnyi hnyei Kanana. 6Ke Aberama ame vheno hnyei ke ne o but hnyi Sekema, hnyi iwajo anyi More. Ke ka e at Kanana hnyi hnyei. 7Ke ame manen dut Iehova kö Aberama, ame ha, ka habe, Oge me he ka ham hnyei ang ka ta je mâtrânâm: me e ame otilâ eling taben hut kö Iehova at ame manen kâu. 8Ke e ame he ûheny e ka hnyi bucen, Bethela ke e deiö, me otilâ umen uma mano, ke e jio Bethela, ke e deiö Ai: ke e ame otilâ ke taben hut kö Iehova eling, me hawâ iö Iehova. 9Ke Aberama ame hok tot ka hnyi Hwaiöu.
10Ke e hu hmiâ hnyi hnyei: me Aberama ame he Aigupito ai he ka më laba e; anyin ae gan hmâ hmiâ hnyi hnyei. 11Ke e hakekeny jut ka dit ka hnyi hnyei Aigupito, e ame ha kö Sarai a âiân, ka habe, Wâ bi, e khanö nya a u momo ae so hmainy: 12ke e ka ö u hnen at Aigupito, me, adre me he ka ha, ka habe, Wale âiân, me adre me he ka hlingö nya, kʼ adre me he bi ju ka omeli u. 13Me ö u ha thö, ka habe, U hanik, mʼ inye so ûnyi gam, me me möt bi hanuk ûnyi gam. 14Ke ame o but Aberama Aigupito, me at Aigupito adre me wâ momo ae so hmö-nyin hmainy. 15Ke a wâ but hnen je than ûnyi Farao, me ödrin e haisoâ e kö Farao: ke ödra adre me hom dö momo ka hnyi hnyaba Farao. 16Ke e ame bi so kö Aberama can mono: me e ame tren ta je mamoe, me kâu, me asina baga, me je lathnyabainy baga, me je lathnyabainy momo, me je asina momo, me je kamela. 17Ke Iehova ame oveci Farao me anyin lap ge ta je vec ae gan can Sarai öiö Aberama. 18Ke Farao ame hawo Aberama, me ha, ka habe, Ieû ang u je ânyâ könya? Ieû gam u je ca thumetu nya a âiâm ang? 19Ieû can u je ha, ka habe, Hânâm ang? Waleling me oge me hia but hom me öiök: ke walang ang wâ ju âiâm, hom dö, me he thö. 20Ke Farao ame hûna e ka je lakeiny: ke adre me hom e ka hnyi gethen, me âiân, me anyin ta je ûnyi hia.
अहिले सेलेक्ट गरिएको:
Genese 12: IAAI
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
maintained by the British and Foreign Bible Society