Ta je huliwa 6
6
1AME gan tot ûseiny laten hnyi je bong e, ke ame kû thö ulit ge at Helenisi ka at Heberu, anyin adre me hnying ut ta je safac gadrin hnyi hna khenâ ta ûnyi hnyi je bong hia. 2Haba hnyat a twelv, ödrin e hawâ je laten ae se hia, me ha, ka habe, E ca so kohmun he ka hna hofuc hwan Khong, me he ka khenâ je jekhoû. 3Anyin a wale, hnyat me lakeiny, ûca thö hnyat a seven gabun, je hnyat adre me lung so, hnyat ae unöngöt ge Hanu Kap me metâ, me ohmun e he ka otilʼ ödrin ka hnyi huliwa eang. 4Ke haba ohmun ang, mʼ ohmun e he balua ka hwege hnyi hic, me huliwa hnyi hwan hofuc. 5Ke so hofuc e ka tavat hia: me adre me ûco Setefano, at ae unöngöt ge labageju me Hanu Kap, me Filipo, me Prokoro, me Nikanora, me Timona, me Paramena, me Nikolas at Anetioka, at ame dit ehac ka hnyi hmi Juda: 6adre me otilʼ ödrin hnyi hnyimakan je aposetolo: ke ödrin e hia but hic, me ödrin e ip je hnyamödrin hudrin.
7Ke ame khulelau hofuc hwan Khong, ke ti se hia tavat adre me long hnyi Jerusalema; ke se hia minya tavat bihut adre me hnyi labageju.
8Ke haba Setefano, ae unöngöt ge ibe-tengiö baû me man, ame ânyâ je ûöman me haten ae gan hmâ unyin tavat. 9Me ame todrö keihen ûhedrin hnyi sunago, haba ien, me sunago anyin at Libetino, me at Kurene, me at Alesanedria, me tavat ûhedra Silikia, me Asia, me adre me ivinö me Setefano. 10Ke ca khanʼ ödra thu hmetu anyin metâ me Hanu at ame ofucâ e. 11Me adre me ha duöngâ ka keihen, mödrin e ha, ka habe, Ohmun e long ut a e ame fuc bi gan kö Mose me Khong. 12Me adre me omonumonoâ tavat, me wahingat, me hnyat sihnalimen, me adre me o but kâu, me kât e, me hom ka tavat ûhnenamö, 13me otilâ tavat sit hofuc thoi, tavat adre me ha, ka habe, Ame ca menâ bi at ang he ka haikongoâ dok ang ae kap, me hnanyibu: 14anyin a ohmun e long ut, e ame ha, ka habe, Ame he Iesu at Nazareta ka ohia dok ang, me wia ta je hwakecin a ham köta Mose. 15Ke haba tavat ûhnenamö hia adre me wâ hmâ e, me wâ hnyimakan, helâ me hnyimakan angela.
अहिले सेलेक्ट गरिएको:
Ta je huliwa 6: IAAI
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
maintained by the British and Foreign Bible Society
