Ta je huliwa 3
3
1HABA Peteru me Ioane ödru me tha he ka hnyin uma kap hnyi ûen hic, hnyi awa a naininy. 2Ke wale ke at ae mat hwân hnyi hna hnokoâ e, adre me vadren me ip hnyi je bong hnyi homagouleny uma kap, ien Hmanenang, he ka sumâtâ ta ûnyi ge tavat adre me dit ka hnyi uma kap; 3ke e ame ö Peteru me Ioane ödru me he ka dit ka hnyi uma kap, me e ame sumâtâ ta ûnyi. 4Haba Peteru me Ioane ödru me wâ hmâ e, me ha, ka habe, Ō ʼhmu thö. 5Me e ame long k ödru, ame ûnykûme he ka hu ke ûnyi gadru. 6Ke haba Peteru ame ha, ka habe, E ba gak sileva me gol, ke oge me be ka ham köu hnok hna hu. Hnyi iö Iesu Keriso at Nazareta, he thö u. 7Me e ame lelo thö hnyamen a metân me otilâ thö e: me ame ie hwege thö li can me li omakhnâiny can. 8Me e ame ut goranyai, me tot, me hwân ka he; me e ame tha didro mʼödru ka hnyi ûma kap, ame he, me utut, me ogânâ Khong. 9Ke adre me wâ e hnen tavat hia ame he me ogânâ Khong: 10ke adre me wâhmakhmeto e, a e at ame labö sumat hnyi homagöule, Hmanenang ien, hnyi uma kap: me adre me lâiâ gan hmâ me uthmâhmâ ge ûnyi a o kâu. 11Ke e ame tiga kot Peteru me Ioane, me ame wadring ûkhacaköu th ö tavat hia ködrin hnyi poretiko, Solomona ien, ke adre me lâiâ gan hmâ. 12Ke a wâ but Peteru e ame ha ka tavat, ka habe, At Isaraela lö, ieû gabun öbun e lâiâ ûnyi ang? ke ieû gabun öbun e wâ hmʼ ohmu helâke me hnen manihmu man me hwakecihmu ae ûcû ka Khong me me he thö at ang? 13Haba Khongu Aberahama, me Isaaka, me Jekob, Khongon lakamöta, ame olungâ Aten a Iesu; waleji öbun e hna but, me ivinoâ hnyi hnyimakö Pilato, ke mou thö gan a gʼ ame he ka hna e. 14Ke öbunʼ e ivinoâ At ae Kap ke At ae Wisa, me sumâtâ he ka hna köbun at ûhlingö, 15ke öbun e hlingâ Thaniny möt; wale hnen Khong hna omelö hmetu ûnyi hnyi hna mok; ke ohmun e ohnathoâ ûnyi e. 16Ke haba at ang öbun e wâ, ke khanʼ öbun, me ame hwege bi ûnyi hnyi labageju ka hnyi ien, ke can ien bi: eke, adre me ham kâu hwege eang ae bekhöt hnyi hnyimaköbun hia hnen labageju a ûnyi gan. 17Hnyat me lakeiny lö, e khanö nya a öbun e ânyâ e ke ca khanʼ öbun bongon, helâe minya anyibun je taben. 18Ke haba Khong ame ohwâdâ hofuc e ame bân ka ha a deny anyin ta je perofeta hia, wale a gʼ ame he Keriso ka hom vec. 19Anyin a wale ietra ju öbun me hwio thö, mʼ adre me he ka kot degecâ but anyibun ta je hulo, me me he ka o but je ûen hnân okahwa ûnyi ge Than; 20me me he minya ka kunâ Keriso, wale at adre me hodra ka ham hobi köbun, a Iesu; 21at a kap hnen drany ethö ke ne o but hnyi je ûen ame he! ka hwâdâ hnyin ta je ûnyi hia waleji ame ha hnen Khong a deny anyin ta je perofeta hia thithö ae kap hwân kâû adrem bala. 22Ke haba Mose ame ha, ka haba, Ame he Than a Khong ka oâ ke perofeta hobi köbun ûnyi ge je liamekeiny mʼ öbun, helâ me inya; öbun e he ka long kâu hnyi ta je ûnyi hia e ame he ka ha köbun. 23Ke haba at ame ca he bi ka long perofeta eling, me adre me he ka ohia e ûnyi hnyi hnyei. 24Eke, haba ta je perofeta hia hwân ga Samuela me tavat minya a bilidra, a ödra hia adre hia, but khetâ, me ödrin e ha minya ge je bong ang. 25Haba öbun, me öbun lakon ta je perofeta, a hanen hna ûhihinyköu anyin Khong me lakamöbun, waleji ame ha kö Aberahama, ka habe, Ame he ka hnahic ta je lap hia eang hmeledrany ûnyi ge mâtrânâm. 26Ke haba; Khong ame oâ Aten, kʼ ame kunâ bânâ köbun he ka ohnahici öbun, wale he ka ve! ohmetu öbun ûnyi hnyi anyibun ta je hulo.
अहिले सेलेक्ट गरिएको:
Ta je huliwa 3: IAAI
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
maintained by the British and Foreign Bible Society
