Eòin 9
9
1 Dh’aisigeadh a radharc do dhuine a rugadh dall. 13 Thugadh e a‑chum nam Pharasach: 15 ghabh iad corraich ris, agus thilg iad a‑mach as an t‑sionagog e; 35 ach tha Crìosd a’ gabhail ris. 39 Cò iadsan a tha Crìosd a’ soillseachadh.
1Agus nuair a ghabh Iosa seachad, chunnaic e duine a bha dall o rugadh e.
2Agus dh’fheòraich a dheisciobail dheth, ag ràdh, A Mhaighistir, cò a pheacaich, an duine seo, no a phàrantan, gun do rugadh dall e?
3Fhreagair Iosa, Cha do pheacaich aon chuid an duine seo, no a phàrantan: ach a‑chum gum foillsichte obraichean Dhè ann#Eòin 11:4.
4Is èiginn dhòmhsa obraichean an tì a chuir uaithe mi a dhèanamh, am feadh is là e#Eòin 11:9, 10; Ecl 9:10: tha an oidhche a’ teachd, nuair nach urrainn aon duine obair a dhèanamh.
5Am feadh tha mise anns an t‑saoghal, is mi solas an t‑saoghail#Eòin 1:5, 9; 8:12; 12:35, 46.
6Nuair a thubhairt e na nithean seo, chuir e sile air an talamh#Marc 8:23, agus rinn e criadh den t‑sile, agus sgaoil e a’ chriadh air sùilean an doill.
7Agus thubhairt e ris, Imich, ionnlaid ann an lochan Shilòaim#Neh 3:15, Siloah (is e sin air eadar‐theangachadh, Air a chur). Uime sin dh’imich e#2 Rìgh 5:14, agus dh’ionnlaid e, agus thàinig e a’ faicinn.
8Uime sin thubhairt na coimhearsnaich, agus iadsan a chunnaic dall e roimhe sin, Nach e seo esan a bha na shuidhe ag iarraidh na dèirce?
9Thubhairt cuid, Is e seo e; cuid eile, Tha e cosmhail ris: thubhairt e fhèin, Is mi e.
10Air an adhbhar sin thubhairt iad ris, Cionnas a dh’fhosgladh do shùilean?
11Fhreagair esan agus thubhairt e, Rinn duine don ainm Iosa criadh, agus sgaoil e air mo shùilean i, agus thubhairt e rium, Imich gu lochan Shilòaim, agus ionnlaid: agus dh’imich mi agus dh’ionnlaid mi, agus fhuair mi mo fhradharc.
12An sin thubhairt iad ris, Càit a bheil e? Thubhairt esan, Chan aithne dhomh.
13Thug iad a‑chum nam Pharasach esan a bha roimhe dall.
14Agus b’i an t‑sàbaid a bha ann nuair a rinn Iosa a’ chriadh, agus a dh’fhosgail e shùilean.
15An sin a‑rìs dh’fheòraich na Pharasaich dheth mar an ceudna cionnas a fhuair e a fhradharc. Agus thubhairt esan riu, Chuir e criadh air mo shùilean, agus dh’ionnlaid mi, agus tha mi a’ faicinn.
16Uime sin thubhairt cuid de na Pharasaich, Chan eil an duine seo o Dhia, do bhrìgh nach eil e a’ gleidheadh na sàbaid. Thubhairt cuid eile, Cionnas a dh’fhaodas duine a tha na pheacach#Eòin 9:31; Eòin 3:2 a leithid seo de mhìorbhailean a dhèanamh? Agus bha eas‐aonachd nam measg#Eòin 7:12, 43; 10:19.
17Thubhairt iad a‑rìs ris an duine dhall, Ciod a tha thusa ag ràdh uime a‑thaobh gun d’fhosgail e do shùilean? Agus thubhairt esan, Is fàidh e#Eòin 4:19.
18Ach cha do chreid na h‑Iùdhaich ma thimcheall#Isa 26:11, gu robh e dall, agus gun d’fhuair e a fhradharc, gus an do ghairm iad pàrantan an tì a fhuair a fhradharc.
19Agus dh’fheòraich iad dhiubh, ag ràdh, An e seo ur mac‐se, a tha sibh ag ràdh a rugadh dall? Cionnas mas eadh a tha e a‑nis a’ faicinn?
20Fhreagair a phàrantan iad agus thubhairt iad, Tha fhios againn gur e seo ar mac, agus gun do rugadh dall e:
21Ach cionnas a tha e nis a’ faicinn, chan eil fhios againn; no cò a dh’fhosgail a shùilean, chan aithne dhuinn: tha e fhèin air teachd gu aois, feòraichibh dheth, labhraidh e air a shon fhèin.
22Thubhairt a phàrantan na briathran seo, a chionn gu robh eagal nan Iùdhach orra#Eòin 7:13; 12:42; Gnà 29:25; oir shuidhich na h‑Iùdhaich cheana eatorra fhèin, nan aidicheadh duine sam bith gum b’esan Crìosd, gun rachadh a chur as an t‑sionagog#Eòin 9:34; Eòin 16:2.
23Air an adhbhar sin thubhairt a phàrantan, Tha e air teachd gu aois, feòraichibh dheth fhèin.
24Air an adhbhar sin ghairm iad an dara uair an duine a bha dall, agus thubhairt iad ris, Thoir glòir do Dhia#Ios 7:19; Salm 50:14, 15: tha fhios againn gur peacach an duine seo.
25An sin fhreagair esan agus thubhairt e, Am peacach e chan aithne dhomh: air aon nì tha fhios agam, air dhomh a bhith dall, gu bheil mi a‑nis a’ faicinn#1 Eòin 5:10.
26Ach thubhairt iad ris a‑rìs, Ciod a rinn e dhut? Cionnas a dh’fhosgail e do shùilean?
27Fhreagair e iad, Dh’innis mi dhuibh cheana, agus cha d’èisd sibh; carson a b’àill leibh a chluinntinn a‑rìs? A bheil a’ mhiann oirbhse a bhith nur deisciobail aige mar an ceudna?
28An sin chàin iad e, agus thubhairt iad, Is tusa a dheisciobal; ach is sinne deisciobail Mhaois.
29Tha fhios againn gun do labhair Dia ri Maois#Àir 12:2‐8: ach mu thimcheall an fhir seo, chan eil fhios againn cia as dha#Eòin 7:27; 8:14.
30Fhreagair an duine agus thubhairt e riu, An seo tha nì iongantach, nach eil fhios agaibh cia as dha, agus gun d’fhosgail e mo shùilean;
31Ach tha fhios againn nach èisd Dia ri peacaich#Salm 66:18; Gnà 28:9; Isa 1:15; Ier 11:11: ach ma tha neach air bith na fhear‐adhraidh do Dhia, agus a’ dèanamh a thoile, ris‐san èisdidh e.
32O thoiseach an t‑saoghail cha chualas gun d’fhosgail aon neach sùilean duine a rugadh dall.
33Mura biodh an duine seo o Dhia, cha b’urrainn e nì sam bith a dhèanamh#Eòin 3:2.
34Fhreagair iadsan agus thubhairt iad ris, Rugadh thusa uile ann am peacaidhean#Eòin 9:2, agus a bheil thu gar teagasg‐ne? Agus thilg iad a‑mach e#Isa 66:5.
35Chuala Iosa gun do thilg iad a‑mach e: agus air dha a fhaotainn, thubhairt e ris, A bheil thu a’ creidsinn ann am Mac Dhè#1 Eòin 5:13?
36Fhreagair esan agus thubhairt e, Cò e, a Thighearna, a‑chum gun creid mi ann?
37Agus thubhairt Iosa ris, Chunnaic thu araon e, agus an tì a tha a’ labhairt riut, is esan e#Eòin 4:26.
38Agus thubhairt esan, Tha mi a’ creidsinn, a Thighearna. Agus rinn e adhradh dha#Mat 14:33.
39Agus thubhairt Iosa, Is ann a‑chum breitheanais a thàinig mise a‑chum an t‑saoghail seo#Eòin 5:22, 27; 12:47; Lùc 2:34; 2 Cor 2:16, a‑chum iadsan nach eil a’ faicinn#Mat 13:13‐15, gum faiceadh iad; agus gum biodh iadsan a tha a’ faicinn, air an dèanamh dall.
40Agus chuala cuid de na Pharasaich, a bha maille ris, na nithean seo, agus thubhairt iad ris, A bheil sinne dall mar an ceudna#Ròm 2:19; Tais 3:17?
41Thubhairt Iosa riu, Nam biodh sibh dall, cha bhiodh peacadh agaibh#Eòin 15:22, 24 ach a‑nis tha sibh ag ràdh, Is lèir dhuinn; uime sin tha ur peacadh a’ fantainn#Isa 5:21; Lùc 18:14; 1 Eòin 1:8.
अहिले सेलेक्ट गरिएको:
Eòin 9: ABIG
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
© Comann Bhìoball na h‑Alba 1880, 1992, 2017
© Scottish Bible Society 1880, 1992, 2017
