रोमी 6:19-23

तिमीहरूको शारीरिक स्‍वभावको कमजोरीले गर्दा म मानिसहरूले बुझ्‍ने गरी मालिक र कमाराको नमुना लिएर भन्‍दै छु। एक पल्‍ट खराब इच्‍छा लिएर ठूलो पाप र दुष्‍ट काम गर्न तिमीहरूले आफ्‍नो जीवन कमाराले झैँ सुम्‍पियौ। अब पवित्र हुन तिमीहरूको जीवन परमेश्‍वरको लागि असल काम गर्ने कमाराले झैँ सुम्‍पिदेओ। तिमीहरू पापको कमारा हुँदा तिमी परमेश्‍वरको अगाडि ठीक हुने कामको वास्‍ता गर्दैनथ्यौ। त्‍यस बेला गरेका कामबाट जसमा तिमीहरू अहिले लाज मान्‍छौ, तिमीहरूले के पायौ? ती सबै घिनलाग्‍दा कुराको फलचाहिँ मृत्‍यु हो। अब तिमीहरू पापको कैदबाट छुटेका छौ र परमेश्‍वरका कमारा बनाइएका छौ। यसको फलचाहिँ पवित्रता हो। यसले तिमीलाई अजम्‍मरी जीवनमा पुर्‍याउँछ। पापले आफ्‍नो कमारालाई दिने ज्‍यालाचाहिँ मृत्‍यु हो, तर हाम्रा प्रभु येशू ख्रीष्‍टमा अजम्‍मरी जीवन जिउनुचाहिँ सित्तैमा दिइने परमेश्‍वरको दान हो।