रोमी 16:17-20

दाजुभाइहरू हो, म तिमीहरूलाई बिन्‍ती गर्दछु, फाटो ल्‍याउने र मानिसको विश्‍वासलाई बिथोल्‍नेहरूदेखि होशियार होऊ। तिनीहरू तिमीहरूले पाएको शिक्षाको विरोध गर्छन्। त्‍यस्‍ता मानिसहरूको त संगत पनि नगर किनभने यसो गर्ने मानिसहरूले ख्रीष्‍टको होइन तर आफ्‍नै पेटको पूजा गर्छन्। मीठामीठा शब्‍दहरू र चिप्‍ला कुराहरूले सीधा मानिसहरूलाई ठग्‍छन्। तिमीहरूले गरेको आज्ञापालनको कुरा सबैले सुनेका छन्, यस कुरामा मलाई खुसी लागेको छ। तिमीहरू खराब काम गर्न नजान्‍ने तर असल काम गर्न सिपालु भएको म चाहन्‍छु। शान्‍ति दिने परमेश्‍वरले चाँडै शैतानलाई तिमीहरूका खुट्टामुनि कुल्‍चाउनुहुनेछ। हाम्रा प्रभु येशूको अनुग्रह तिमीहरूसँग रहोस्।