भजनसंग्रह 70:1-5

हे परमेश्‍वर! मलाई बचाउनुहोस्। हे परमप्रभु! अहिले मलाई सहायता गर्नुहोस्। मलाई मार्न खोज्‍नेहरूको हार होस् र तिनीहरू अन्‍योलमा परून्। म कष्‍टमा पर्दा खुसी हुनेहरूको बेइज्‍जत होस् र तिनीहरू भाग्‍नुपरोस्। मलाई खिसी गर्नेहरू आफ्‍नो हार भएकाले बिचलित होऊन्। तपाईंकहाँ आउनेहरूले आनन्‍द गरून् र रमाऊन्। तपाईंले दिनुभएको मुक्तिको लागि धन्‍यवादी हुनेहरूले सधैँ यसो भनून्, “परमेश्‍वर कति महान् हुनुहुन्‍छ!” म दुर्बल र असहाय छु, हे परमेश्‍वर, चाँडो मकहाँ आउनुहोस्। तपाईं मेरो मुक्तिदाता र परमप्रभु हुनुहुन्‍छ; मेरो मद्दतको लागि चाँडै आउनुहोस्।