हितोपदेश 8:27-32

उहाँले आकाशलाई पृथ्‍वीमाथि फैलाउनुहुँदा, महासागरलाई क्षितिजले घेर्नुहुँदा, म त्‍यहाँ थिएँ। आकाशमा बादल फैलाउनुहुँदा, महासागरका मुहानहरू खोलिनुहुँदा र समुद्रको पानीमा सिमाना बाँधिदिनुहुँदा म त्‍यहाँ हाजिर थिएँ। उहाँले पृथ्‍वीको जगहरू बसाल्‍नुहुँदा म त्‍यहाँ थिएँ। म उहाँको छेउमा शिल्‍पकारझैँ दिनहुँ उहाँलाई आनन्‍द दिँदै, उहाँको उपस्‍थितिमा आफैं पनि प्रसन्‍न हुँदै सारा पृथ्‍वीसित नै आनन्‍दमा र मानव-जातिसित सन्‍तुष्‍ट थिएँ। “हे युवाहरू हो! अब मेरा कुरा सुन, मैले भनेअनुसार गर्‌ र तिमीहरू सुखी हुनेछौ।