मत्ती 8:18-22

येशूले आफ्‍नो वरिपरि मानिसहरूको ठूलो हुल देखेर आफ्‍ना चेलाहरूलाई “लौ हामी तालको पारिपट्टि जाऔं,” भन्‍नुभयो। त्‍यति नै बेला एक जना धर्म-गुरुले उहाँकहाँ आएर भने, “गुरुज्‍यू, तपाईं जहाँ गए पनि म तपाईंसँगै जानेछु।” येशूले तिनलाई जवाफ दिनुभयो, “हेर, फ्‍याउराहरूका लुक्‍ने ओडार छन्, चरा-चुरुङ्गीहरूका गुँडहरू छन्, तर म मानव पुत्रको टाउको राख्‍ने ठाउँसम्‍म पनि छैन।” अनि चेलाहरूमध्‍ये एउटाले भने, “गुरुज्‍यू, पहिले मलाई गएर मेरो बुबाको लाश गाड्‍न दिनुहोस्।” येशूले तिनलाई भन्‍नुभयो, “मुर्दाहरूलाई मुर्दाहरूले नै गाडून्, तिमीचाहिँ मेरो पछि लाग।”