मत्ती 26:26-30

खाइरहनुभएको बेलामा येशूले रोटी लिएर परमेश्‍वरसँग आशीर्वाद मागी टुक्र्याउनुभयो अनि चेलाहरूलाई बाँडिदिँदै भन्‍नुभयो, “यो लिएर खाओ, यो मेरो शरीर हो।” त्‍यसपछि उहाँले कचौरा पनि लिनुभयो अनि परमेश्‍वरलाई धन्‍यवाद चढाएर चेलाहरूलाई दिँदै भन्‍नुभयो, “यो तिमीहरू सबैले पिउनू। यो नयाँ करार जोड्‍ने मेरो रगत हो, जो धेरै मानिसको पाप मेट्‍नलाई बगाइनेछ। म तिमीहरूलाई भन्‍छु, मेरो पिताको राज्‍यमा तिमीहरूसँग नयाँ गरी नपिउञ्‍जेलसम्‍म म फेरि यो दाखमद्य पिउनेछैन।” अनि एउटा भजन गाउनुभएपछि येशू चेलाहरूसँग जैतुन डाँडातिर लाग्‍नुभयो।