मत्ती 10:2-8

यी बाह्र प्रेरितहरू यिनै हुन्– पहिलोचाहिँ पत्रुस भनिने सिमोन अनि उनका भाइ अन्‍द्रियास, जब्‍दियाका छोरा याकूब र उनका भाइ यूहन्‍ना, फिलिप र बारथोलोमाइ, थोमा र कर उठाउने मत्ती, अल्‍फयसको छोरा याकूब, थेदियस र देशभक्त दलका सिमोन अनि येशूलाई पक्राइदिने यहूदा इस्‍करियोत। येशूले ती बाह्र जनालाई यसो भनेर पठाउनुभयो, “तिमीहरू अरू जातिका मानिसहरूकहाँ र सामरीहरूका सहरहरूमा नजाओ। तर हराएका भेडाहरूजस्‍ता इस्राएलीहरूकहाँ जाओ। मानिसहरूलाई ‘परमेश्‍वरको राज्‍य आइसक्‍न लागेको छ’ भनेर सुनाओ। बिरामीहरूलाई निको पार, मरेकालाई बिउँताओ, कुष्ठरोगीलाई शुद्ध पार र भूतहरू निकाल। तिमीहरूले सित्तैंमा पायौ, सित्तैंमा देओ।