लूका 5:12-16

एकपल्‍ट येशू कुनै एउटा सहरमा हुनुहुन्‍थ्‍यो। त्‍यस सहरमा कुष्ठरोग लागेको एउटा मानिस थियो। येशूलाई देखेर त्‍यस कुष्‍ठरोगीले उहाँको पाउमा परेर यसरी बिन्‍ती गर्‍यो, “गुरुज्‍यू, तपाईंले चाहनुभयो भने मलाई शुद्ध पार्न सक्‍नुहुन्‍छ।” येशूले उसमाथि हात राखेर भन्‍नुभयो, “तिमी शुद्ध होऊ भन्‍ने म चाहन्‍छु।” अनि तुरुन्‍तै उसको कुष्ठरोग निको भइहाल्‍यो। तब येशूले उसलाई आज्ञा दिएर भन्‍नुभयो, “हेर, यो कुरा कसैलाई नभन्‍नू! तर पूजाहारीकहाँ गएर आफ्‍नो जाँच गराऊ। मोशाले अह्राएजस्‍तै बलि चढाएर सबैलाई तिमी शुद्ध भएको प्रमाण देऊ।” त्‍यस दिनदेखि येशूको चर्चा झन् फैलिएर गयो अनि धेरैभन्दा धेरै मानिसहरू उहाँको शिक्षा सुन्‍न र निको हुन आउन थाले। तर उहाँचाहिँ सुनसान ठाउँहरूमा गएर प्रार्थना गर्नुहुन्‍थ्‍यो।