लूका 4:38-41

सभाघरबाट निस्‍केर येशू सिमोनको घरमा जानुभयो। त्‍यस बेला सिमोनकी सासू ज्‍वरोले थला परेकी थिइन्। घरका मानिसहरूले “तिनलाई निको पारिदिनुहोस्” भनी येशूलाई बिन्‍ती गरे। उहाँले तिनको नजिकै गएर ज्‍वरोलाई हकार्नुभयो र ज्‍वरोले छोडिहाल्‍यो अनि तिनी उठेर उहाँहरूको सेवा गर्न लागिन्। घाम अस्‍ताएपछि मानिसहरूले धेरै किसिमका बिमारीहरूलाई येशूकहाँ ल्‍याए। उहाँले तिनीहरूमाथि हात राखेर सबैलाई निको पार्नुभयो। धेरै जनाबाट भूत पनि चिच्‍च्‍याएर यसो भन्‍दै निस्‍किए, “तपाईं परमेश्‍वरका पुत्र हुनुहुन्‍छ।” तर येशूले ती भूतहरूलाई पटक्‍कै बोल्‍न दिनुभएन किनभने उहाँ मुक्ति दिनुहुने राजा ख्रीष्‍ट हुनुहुन्‍छ भनी तिनीहरूले चिन्‍दथे।