लूका 3:16-18

त्‍यसो हुँदा यूहन्‍नाले सबैलाई भने, “म त तिमीहरूलाई पानीले बप्‍तिस्‍मा दिन्‍छु। तर मभन्दा ठूला एक जना आउँदै हुनुहुन्‍छ। म त उहाँको जुत्ताको फित्ता फुकाउने लायकको पनि छैन। उहाँले तिमीहरूलाई पवित्र आत्‍मा र आगोले बप्‍तिस्‍मा दिनुहुनेछ। हेर, उहाँले अन्‍न निफन्‍न हातमा नाङ्लो लिइसक्‍नुभएको छ। निफनेर अन्‍नचाहिँ भकारीमा थन्‍क्‍याउनुहुनेछ, तर भुसचाहिँ कहिल्‍यै ननिभ्‍ने आगोमा जलाउनुहुनेछ।” यस्‍ता अरू पनि धेरै अर्तीहरू दिँदै यूहन्‍नाले मानिसहरूलाई सुसमाचार सुनाए।