यर्मिया 9:7-9

यसकारण सर्वशक्तिमान् परमप्रभु यसो भन्‍नुहुन्‍छ, “म सुन-चाँदी खारेझैँ मेरा प्रजालाई खार्नेछु र तिनीहरूको जाँच गर्नेछु। मेरा प्रजाले खराबी गरेका छन्। यसकारण म तिनीहरूसित अरू के गरूँ? “तिनीहरूका जिब्रा विषालु काँडझैँ छन्, तिनीहरूले सधैँ झूट बोल्‍दछन्। हरेकले आफ्‍नो छिमेकीसित मुखले त मीठो कुरा गर्छ तर मनले चाहिँ पासो थाप्‍छ। के म यी कुराका निम्‍ति तिनीहरूलाई दण्‍ड नदिऊँ? के यस्‍तो जातिमाथि म साटो नफेरूँ? म परमप्रभु बोलेको छु।”