परमप्रभुका दूत त्यहाँ देखा परेर उनलाई भने, “ए साहसी र वीर पुरुष! परमप्रभु तँसँग हुनुहुन्छ।” गिदोनले भने, “हजुर, यदि परमप्रभु हामीसँग हुनुहुन्छ भने यी सब कुरा किन हामीमाथि आइलागे? के यो सोध्न सक्छु? ती सबै उदेकका कुराहरू, जुन परमप्रभुले गर्नुभएको थियो भनी हाम्रा पिता-पुर्खाहरूले भन्थे– कसरी उहाँले हामीलाई मिश्रबाट निकाली ल्याउनुभएको थियो– ती सबै के भए? परमप्रभुले हामीलाई त्याग्नुभएको छ र हामीलाई मिद्यानीहरूका कृपामा छोडिदिनुभएको छ।” तब परमप्रभुले उसलाई आज्ञा गर्नुभयो, “आफ्ना पूरा शक्तिका साथ गएर मिद्यानीहरूबाट इस्राएलीहरूलाई छुटाउने काम गर्। म आफैं तँलाई यस काममा पठाउँदै छु।” गिदोनले उत्तर दिए, “परमप्रभु तर कसरी म इस्राएलीहरूलाई छुटाउन सक्छु? मनश्शे कुलमा सबैभन्दा कमजोर मेरो गोत्र छ अनि हाम्रा परिवारमा म सबैभन्दा सानो छु।” परमप्रभुले जवाफ दिनुभयो, “म तँलाई मद्दत गर्नेछु र तैँले यो काम गर्न सक्नेछस्। एक जना मानिसलाई जस्तै तैँले सबै मिद्यानीहरूलाई सजिलै नाश पार्नेछस्।”
न्यायकर्ता 6 पढ्नुहोस्
शेयर गर्नुहोस्
सबै भर्सन तुलना गर्नुहोस: न्यायकर्ता 6:12-16
पदहरू सेभ गर्नुहोस्, अफलाइन पढ्नुहोस्, शिक्षण क्लिपहरू हेर्नुहोस्, र थप!
होम
बाइबल
योजनाहरू
भिडियोहरू
बाइबल एप
बाल बाइबल एप
